Wilhelm Foss
Wilhelm Johannessen Foss (5. desember 1816–15. november 1876) var ein norsk kjøpmann, skipsreiar, ordførar og stortingsrepresentant frå Arendal.
| Wilhelm Foss | |
| Statsborgarskap | Noreg |
| Fødd | 5. desember 1816 Arendal |
| Død |
15. november 1876 (59 år) |
| Yrke | politikar, skribent, reiar |
| Språk | norsk |
Foss var son av ein kjøpmann i Arendal. Han overtok handelsverksemda til faren i ung alder, og utvida denne mykje. Frå 1863 overlet han kjøpmannsforretninga til ein fullmektig, sjølv dreiv han reiarverksemd i stor stil. Truleg var han største skipsreiaren i byen.
Foss var medlem i Arendal bystyre, ordførar i 1861. Han var formann i Arendals skibsassuranceforening frå 1856, styreformann i den lokale sparebanken og medlem av forlikskommisjonen frå 1873.
Foss var 2. representant for Arendal og Grimstad på Stortinget 1859-60, medlem av næringskomite nr 2. Ved fem stortingsval var han suppleant (varamann) til Stortinget, møtte på det overordentlege storting 1864. Han var elles medlem av to kongelege kommisjonar; om loslova 1861 og om skipsmålinga 1867.
Han døydde i Barbu i 1876.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914