Wirich Philipp von Daun
Grev Wirich Philipp von Daun (19. oktober 1669–30. juli 1741) var ein austerriksk feltmarskalk i den spanske arvefølgjekrigen, og fra til den langt meir kjende Leopold Josef Graf Daun.
| Wirich Philipp von Daun | |||
 | |||
| Fødd | 19. oktober 1669 Wien | ||
|---|---|---|---|
| Død | 30. juli 1741 Wien | ||
| Tittel | visekonge av Napoli, Governor of Milan | ||
| Gravstad | Augustinian Church | ||
| Land | Keisardømet Austerrike | ||
| Mor | Anna Maria Magdalena, Gräfin von Althann | ||
| Far | Wilhelm von Daun | ||
| Ektefelle | Maria Barbara, Gräfin zu Herberstein | ||
| Barn | Leopold Josef von Daun | ||
Han vart fødd i Wien som son av Wilhelm Graf Daun, som òg var feltmarskalk. Wirich tente i den spanske arvefølgjekrigen under Eugene av Savoie, og utmerkte seg i forsvaret av Torino i 1706. Han kringsetje og erobra òg Gaeta den 30. september 1707.
Etter krigen, i 1713, vart han den første austerrikske statthaldar i Napoli. I 1718 tapte han slaget ved Milazzo under kvadrupelalliansekrigen, då Spain invaderte naboområdet Sicilia.
Frå februar til oktober 1725 var han mellombels guvernør i Dei austerrikske Nederlanda. Han skulle førebu ankomsten til den den nye guvenrøren, erkehertuginne Maria Elisabeth av Austerrike, syster til keisar Karl VI av Det tysk-romerske riket. Situasjonen i Dei austerrikske Nederlanda var særs vanskeleg etter vanstyret til den tidlegare fullmektige ministeren Hercule-Louis Turinetti, marki av Prié. Daun nøyt godt av den positive stemninga etter at Prié forsvann. Han utførte ei reform av den militære organiseringa og administrasjonen av Dei sørlege Nederlanda, der han innlemma den eksisterande «belgiske» armeen i keisarstyrkane.[1]
Frå 1725 til 1736 var han guvernør i hertugdømet Milano
Von Daun døydde i Wien, og vart gravlagd i Georgskapelle i Augustinerkirche, i lag med sonen sin.
Kjelder
endre- Denne artikkelen bygger på «Count Wirich Philipp von Daun» frå Wikipedia på engelsk, den 18. april 2012.
- Wikipedia på engelsk oppgav desse kjeldene:
- ↑ Zedinger, R. (2000). Die Verwaltung der Österreichischen Niederlande in Wien (1714 - 1795), Böhlau Verlag, s. 141-142.
