Worcester
- Denne artikkelen handlar om byen i England. For byen i USA, sjå Worcester i USA.
Worcester er er ein by i England. Han er administrasjonsby i det grevskapet Worcestershire. Byen har eit folketal på 93600 (2003). Elva Severn renn gjennom bysentrum, der byens store katedral ligg.
|
Worcester | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  England
| |
| Grevskap | Worcestershire | |
| Distrikt | Sameint styresmakt | |
| Geografi | ||
| Flatevidd - By |
33,28 km² | |
| Innbyggjarar - By (2007) - folketettleik |
102 997 3 094,9 /km² | |
| Koordinatar | 52°11′N 2°13′W / 52.183°N 2.217°W | |
| Diverse annan informasjon | ||
| Postnummer | WR1–WR5 | |
| Telefon-retningsnummer | 01905 | |
| Nettstad: www.worcester.gov.uk | ||
Historie
endreStaden har vore busett sidan yngre steinalder. Ein landsby med festningsverk vart bygd på austbreidda av Severn omkring år 400 f.Kr.
Slaget ved Worcester fann stad 3. september 1651. Karl II gjekk då i strid for å gjenvinne kongsmakta. Styrken hans vart nedkjempa vest og sør for byen, nær landsbyen Powick. Etter å ha blitt slegen, returnerte Karl til hovedkvarteret før han flykta til Shropshire og sidan Frankrike.
Næringsliv
endreByen har eit variert næringsliv. Seint på 1800-talet og tidleg på 1900-talet var Worcester eit viktig senter for framstilling av hanskar, dette har vore i sterk tilakegong. Porselensfabrikken 'Royal Worcester' ligg i byen, og utanfor bysentrum ligg verksemda som lagar byens mest kjende produkt, Worcestershiresaus.
I Worcester kjem ut det ein hevdar er verdas eldste dagsavis, Berrow's Worcester Journal. Publikasjonen reknar eit nyheitsbrev frå 1690 som tid for grunnlegginga. Byen har også stor detaljhandel, med fleire store kjøpesenter.
Utdanning
endreI Worcester ligg 'University of Worcester', som fekk universitetsstatus i 2005. Tidlegare var lærestaden kjend som UCW (University College Worcester) og 'Worcester Institute of Higher Education'.
Kultur
endreTredjekvart år går musikkstemnet Three Choirs Festival av stabelen i Worcester. Tradisjonen skriv seg frå 1700-talet, og det vert hevda at musikkfestivalen er den eldste i Europa. Arrangementet går på rundgang mellom katedralbyane Gloucester, Hereford og Worcester. Worcester arrangerte festivalen sist i august 2008. Komponisten Edward Elgar er den best kjende personen frå Worcester. Far hans dreiv ei musikkforretning i High Street, der det i dag står ei statue av Elgar. Elgar vart fødd like utanfor Worcester, i landsbyen Broadheath.
Kjelder
endre- Denne artikkelen bygger på «Worcester» frå Wikipedia på bokmål, den 2. august 2010.