Äʹvv skoltesamisk museum
Äʹvv skoltesamisk museum (Äʹvv Saa'mi mu'zei) er eit museum for den skoltesamiske kulturen; det ligg ved E6 i Neiden i Sør-Varanger kommune og opna for publikum i juni 2017.
| Äʹvv skoltesamisk museum | |||
 Inngangen til museet. | |||
| Stad | Sør-Varanger kommune | ||
|---|---|---|---|
| Skipa | 2010 | ||
 Äʹvv skoltesamisk museum 69°41′58″N 29°22′40″E / 69.699583333333°N 29.377777777778°E | |||
Den faste utstillinga til museet, Skoltelandet, er fordelt på tre rom: Folket, Landet og Verden. Dei tre delane viser samfunna og tradisjonane til skoltesamane; livsforma og landskapsbruket deira, og skoltesamane i møte med storsamfunnet.[1] I Neiden finst òg andre skoltesamiske kulturminne: det vesle, ortodokse Sankt Georgs kapell og det verna landskapet Skoltebyen.[2][3]
Arbeidet med å ferdigstilla museet tok lang tid. Grunnsteinen blei lagt ned i 2007, og museet stod ferdig i 2009 Ei rekke feil ved bygget førte til utsetjingar med opninga.[4][5] Museet heitte i planfasen Østsamisk museum, men skifta namn til Äʹvv Skoltesamisk museum før opninga i 2017. «Äʹvv» er skoltesamisk og betyr 'gjenspeglinga av sola på vatn eller snø'.[6]
Museet deltar i bååstedeprosjektet for tilbakeføring av samiske gjenstandar frå Norsk Folkemuseum og Kulturhistorisk museum til samiske museum.[7] Det blei tilbakeført ei rekke gjenstandar i april 2017.[8]
Museet er ein del av Tana og Varanger Museumssiida, saman med tre andre museum i Aust-Finnmark.
Kjelder
endre- ↑ H.B. Huseby. Solid åpning for Skoltesamisk museum; Museumsnytt, 19. oktober 2017
- ↑ Skoltebyen Neiden kulturmiljø Arkivert 2018-08-26 ved Wayback Machine.; Riksantikvaren; miljostatus.no, 9.3.2018
- ↑ 7 Østsamene i Neiden; I: NOU 1997: 4 Naturgrunnlaget for samisk kultur
- ↑ Ä'Vv - Skoltesamisk museum Arkivert 2018-09-09 ved Wayback Machine.; statsbygg.no
- ↑ Skandalemuseet åpnes endelig etter åtte år; NRK Sapmi, 15.6.2017
- ↑ Museet i Neiden skifter navn før den etterlengtede åpningen Arkivert 2018-09-09 ved Wayback Machine.; Sør-Varanger avis, 13.04.2017
- ↑ Bååstede; norskfolkemuseum.no
- ↑ Rene julaften på museet i Neiden - endelig kom de første tusener år gamle gjenstandene; Sør-Varanger avis, 07.04.2017
- Denne artikkelen bygger på «Äʹvv skoltesamisk museum» frå Wikipedia på bokmål, den 3. mai 2022.
