Opna hovudmenyen

Ådalsbruk er ein tettstad og ein gammal industristad i Løten kommune. Staden har 771 innbyggjarar per 1. januar 2017.[1]Det har vore jarnbanestasjon på Ådalsbruk sidan 1862, og Rørosbanen går gjennom staden. Staden har også eigen skule, Ådalsbruk skole.

Ådalsbruk
tettstad
Land Flag of Norway.svg Noreg
Fylke Hedmark
Kommune Løten
Areal 0,72 km²
Folketal 771 (2017)
Folketettleik 1 071 / km²
Postnummer 2345 ÅDALSBRUK
Preposisjon Ådalsbruk
Wikimedia Commons: Ådalsbruk

Ådalsbruk var rundt 1900 ein av dei største industristadene mellom Oslo og Trondheim, med jarnstøyperiet Aadals Brug Jernstøberi & Mekaniske Verksted (skipa 1842) og Klevfos Cellulose & Papirfabrikk (skipa 1888), begge lagt ved Svartelva. Aadals Brug brann ned i 1928, medan papirfabrikken vart nedlagd i 1976.

Klevfoss Industrimuseum ligg ved Ådalsbruk, og nyttar lokala til papirfabrikken. I samarbeid med Norsk skogmuseum opna Løten kommune i 2012 eit Munch-senter på Klevfoss industrimuseum. Edvard Munch blei fødd på Engelaug Østre i Ådalsbruk, og Munch-senteret syner fram tilknytinga Munch hadde til Ådalsbruk.[2]


KjelderEndra

  1. «Tettsteder. Folkemengde og areal, etter kommune.». Statistisk sentralbyrå. 19. desember 2017. Henta 10. april 2018. 
  2. «Munch-senteret i Løten». Løten kommune. Henta 10. april 2018.