Ålgård gamle kyrkje
Ålgård gamle kyrkje er ei langkyrkje frå 1917 i Gjesdal kommune i Rogaland fylke. Ho vart vigsla 11. mai 1917. Arkitekten var Ole Stein. Kyrkja vart oppført som kapell med pengestøtte frå De Forenede Ullvarefabrikker, men vart seinare gjort om til kyrkje.
| Ålgård gamle kyrkje | |||
| kyrkje | |||
 Foto: Rune Sattler | |||
| Kyrkjesamfunn | Den norske kyrkja | ||
|---|---|---|---|
| Bispedøme | Stavanger | ||
| Prosti | Jæren | ||
| Sokn | Ålgård | ||
| Fellesråd | Gjesdal | ||
| Type | langkyrkje | ||
| Arkitekt | Ole Stein | ||
| Material | Tre | ||
| Innvigd | 1917 | ||
| Tårn | I søraust | ||
| Kor | Apsidalt avslutta | ||
| Altartavle | Erling Hodne (1969) | ||
| Orgel | Norsk Orgel- og Harmoniumfabrikk (1973) | ||
| Sitjeplassar | 253 | ||
 Ålgård gamle kyrkje 58°45′54″N 5°51′21″E / 58.76490694°N 5.85597°E | |||
| Wikimedia Commons: Ålgård gamle kirke | |||
Inne i kyrkja er det orgelgalleri ved inngangen, og koret er apsidalt avslutta. Altartavla har eit bilete av oppstoda måla av Erling Hodne i 1969.
Kyrkjebygget vart avløyst av ei ny kyrkje i 2015, og vart etterkvart leigd ut til ein serbisk-ortodoks kyrkjelyd.
Historie
endreEtterkvart som folketalet på Ålgård voks på 1870–talet, såg ein trongen for ei eiga kyrkje på staden. I 1910 sette leiinga i De Forenede Ullvarefabrikker (DFU) av pengar til eit kyrkjefond. I tillegg gav gjesdalbuar bidrag til fondet.[1]
Arbeidsgruppa for kyrkja kom saman i 1913, og bad arkitekt Ole Stein i Kristiania om eit forslag og prisantyding for kyrkjebygg. Teikningane og prisoverslaget vart godkjende av Gjesdal heradstyre og kongen i statsråde, og grunnsteinen vart lagt ned 20. mars 1916 av kallskapellan T.B. Ekeland.[1] Kyrkja vart vigsla 11. mai 1917.[1]
Kyrkja er bygd i tre. Stilen er typisk for kyrkjene til arkitekt Ole Stein. Innvendig er ho kledd med ståande, måla panel.[1]
Kyrkja hadde elektrisk lys frå byrjinga, men vart oppvarma av to store omnar med kvar sin skorstein. Det vart innført elektrisk oppvarming i 1946, og omnane og skorsteinane vart rivne i 1960.[1] Samstundes vart dei opphavleg fem vindauga i koret bak alteret tetta.[1]
Kyrkja fekk altertavle måla av Erling Hodne i 1969.[1]
Kyrkjebygget vart avløyst av ei ny kyrkje i 2015, og i fleire år gjekk det ein diskusjon om kva som skulle skje med den gamle bygningen. Ho vart etterkvart leigd ut til ein serbisk-ortodoks kyrkjelyd.[2][3]
Kjelder
endre- Alf Henry Rasmussen (1993). «Ålgård kyrkje». Våre kirker. Norsk kirkeleksikon. Kirkenær: Vanebo forlag. s. 433. ISBN 82-75-27022-7.
- Fotnotar
- ↑ 1,0 1,1 1,2 1,3 1,4 1,5 1,6 «Ålgård kapellkirke 1917 – litt historie». Gjesdalbuen. 1. februar 2007.
- ↑ «Bli med inn i gamle Ålgård kirke», Gjesdalbuen (nb.no), 6. juli 2023, henta 15. oktober 2024
- ↑ Sjå t.d. Stavanger aftenblad 4. februar 2018 og NRK 21. august 2018.
Bakgrunnsstoff
endre- Ålgård gamle kirke på Kyrkjesøk
- Ålgård gamle kyrkje i kulturminnesok.no, nettstaden til Riksantikvaren
- Ålgård kyrkjelyd om kyrkja
- Menighetsblad nr. 1/2017 for Ålgård menighet, s. 10–11