Jæren prosti

Jæren prosti er eit tenestedistrikt i Stavanger bispedømme i Den norske kyrkja, med prostesete på Bryne.

Bryne kyrkje frå 1979

Frå 1998 omfattar Jæren prosti sokna i dei fire kommunane på søre Jæren:

• Time kommune
  • Time sokn
  • Undheim sokn (utskild frå Time i 2002)
  • Bryne sokn (utskild frå Time i 1990)
• Klepp kommune
  • Klepp sokn
  • Bore sokn
  • Orre sokn
• både Klepp og Time kommunar
  • Frøyland og Orstad sokn (utskild frå Klepp og Time i 2006, Noregs einaste sokn som er delt på to kommunar)
• Hå kommune
  • Nærbø sokn
  • Varhaug sokn
  • Ogna sokn
• Gjesdal kommune
  • Gjesdal sokn
  • Ålgård sokn

Historikk

Prostiet har røter i mellomalderen, og femna opphavleg om heile Jæren, unnateke den nørdste luten. Følgjande grenseendringar har skjedd:

• Madla sokn vart tilført i 1741 etter å ha lege under latinskulen i Stavanger, men vart flytta til Stavanger domprosti 1967.
• Dirdal kapelldistrikt vart tilført frå Hetland prosti i 1965.
• Riska sokn vart tilført frå Hetland prosti i 1967
• Ogna sokn vart tilført frå Dalane prosti i 1988.
• Høle sokn vart tilført frå Hetland prosti i 1988.
• Randaberg og Kvitsøy sokn vart tilførte frå Hetland prosti i 1988, men vart flytta til Tungenes prosti i 1998.
• alle sokn i Sandnes (medrekna ovan nemnde Riska og Høle) og Sola kommunar vart overførte til det då nyoppretta Sandnes prosti i 1998.

Sjå òg

• Kyrkjer i Noreg etter kommune
• Nettsida til Den norske kyrkja