Abba Kovner
Abba Kovner (1918–1987) var ein litauisk jødisk diktar og skribent som for det meste skreiv på hebraisk. Han vart òg ein partisanleiar under andre verdskrigen. Han var søskenbarn med den israelske kommunistleiaren Meir Vilner.
| Abba Kovner | |
 | |
| Statsborgarskap | Israel |
| Fødd | 14. mars 1918 Sevastopol |
| Død |
25. september 1987 (69 år) |
| Yrke | skribent, lyrikar, soldat |
| Medlem av | Fareynigte Partizaner Organizatsye |
| Religion | Jødedommen |
| Ektefelle | Vitka Kempner |
| Abba Kovner på Commons | |
Kovner vart fødd i Sevastopol på Krim, men flytta så med familien sin til Vilne, som då låg i Polen. Han vart aktiv medlem i den sosialistiske og sionistiske ungdomsrørsla Hashomer Hatzair.
I juni 1941 kom det nazi-tyske åtaket og okkupasjonen, og Vilne-ghettoen vart etablert. Abba Kovner kom snart til at ei motstandsgruppe måtte skipast. Han var ein av leiarane i partisangruppa Fareynigte Partizaner Organizatsye (FPO), og leidde mellom anna åtak på tyske mål frå skogane rundt Vilne. Han har òg vorte skulda for valdshandlingar mot polske og litauiske sivile.
Etter at Vilne vart frigjort frå nazistane av den sovjetiske Raude Arméen, var Kovner aktiv i å hjelpe jødar til Palestina. Dit fór han sjølv òg, og han deltok i den israelske sjølvstendekrigen.
I 1970 fekk Kovner «israelprisen» i litteratur.
Kjelder
endre- Denne artikkelen bygger på «Abba Kovner» frå Wikipedia på engelsk, den 22. september 2008.