Abha
Abha (arabisk أبها, Abhā) er hovudstaden i provinsen Asir i Saudi-Arabia. Han ligg 2 200 meter over havet i dei frodige fjella sørvest i Saudi-Arabia, nær Asir nasjonalpark. På grunn av det milde klimaet i Abha er staden eit populært turistmål for saudiarabarane.
| Abha | |||
| أبها | |||
| by | |||
 | |||
| Land |  Saudi-Arabia
| ||
|---|---|---|---|
| Region | Asir | ||
| Høgd | 2 400 moh. | ||
| Koordinatar | 18°13′1″N 42°30′19″E / 18.21694°N 42.50528°E | ||
| Folketal | 485 201 (2013)[1] | ||
| Folketettleik | 485 201 / km² | ||
| Prins | Faisal bin Khalid bin Abdul Aziz Al Saud | ||
| Tidssone | EAT (UTC+3) | ||
| • Sommartid | EAT (UTC+3) | ||
 Abha 18°13′00″N 42°30′00″E / 18.216666666667°N 42.5°E | |||
  Kart som viser Abha.
| |||
| Wikimedia Commons: Abha | |||
Historie og arkitektur
endreAbha var hovudstaden for prinsen av Asir, Ibn Ayde, under Det osmanske riket fram til fyrste verdskrigen.[2] I 1918 kom prinsen av Asir, Yahya bin Hasun Al Ayde som var barnebarnet til Ibn Ayed, attende til familietrona som vart erobra i Abha med fullt sjølvstende. I 1920 slo Asir seg saman med Ibn Saud under samlinga av Saudi-Arabia.
Det finst fleire historiske stader i regionen, som fort og festningar. Festningar på toppen av åsar er eit kjenneteiknfor Abha.[2] Sjølve byen er delt inn i fire kvarter der det største inneheld ein festning. Shadda-slottet, som blei bygd i 1927, er no eit museum som huser lokalt handverk og bruksgjenstandar.[3] Andre større bygningar i Abha er den store moskeen i byen,[3] Al-Tahy-restauranten[4] og Abha Palace Hotel.[3]
Samferdsle
endreDet går ein kystveg frå Jidda til Abha, som stod ferdig i i 1979.[2]
Abha regionale lufthamn (arabisk: مطار أبهـــا, IATA: AHB[3], ICAO: OEAB) er den største flyplassen ved Abha. Det går internasjonale ruter til Jemen (Sana'a), Egypt (Kairo), Doha (Qatar) og Emiratane (Dubai, Sharjah), i tillegg til andre stader i Saudi-Arabia.
Abha lufthamn vart teinkna av nederlendarar og bygginga byrja i 1975 og dei første flygingane byrja i 1977.
Geografi
endre
Abha ligg sør i regionen Asir i ei høgd på 2270 meter over havet. Abha ligg vest i Hijazfjella,[2] nær Jabal Sawda, som av somme vert hevda å vere det høgaste fjellet i Saudi-Arabia.
Klima
endreKlimaet i Abha er kjølig og halvtørt (Köppen: BSk)[5] og er påverka av høgda byen ligg i.[6] Veret i byen er generelt mildt året gjennom, men vert kjøligare om vinteren. Abha har sjeldan temperaturar over 35 °C. Byen får i snitt 278 mm nedbør i året, og det meste kjem mellom februar og april, med ei mindre regntid i juli og august.
Den høgaste temperaturen som er målt er 40 °C den 25. august 1983, medan den lågaste er -2 °C on 29. desember 1983.[7]
| Vêrdata for Abha i Saudi-Arabia | |||||||||||||
|---|---|---|---|---|---|---|---|---|---|---|---|---|---|
| Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
| Høgast målte °C | 31 | 31 | 34 | 34 | 38 | 37 | 39 | 40 | 38 | 34 | 33 | 30 | 40 |
| Gjennomsnittleg maks °C | 18,6 | 19,3 | 21,3 | 24,1 | 26,6 | 29,7 | 28,6 | 28,4 | 27,6 | 24,3 | 21,4 | 19,2 | 24,1 |
| Døgnmiddeltemperatur °C | 12,7 | 13,4 | 15,5 | 17,5 | 19,8 | 22,4 | 22,1 | 22,2 | 20,2 | 17,1 | 14,4 | 12,5 | 17,5 |
| Gjennomsnittleg min °C | 6,8 | 7,6 | 9,8 | 11 | 13 | 15,1 | 15,6 | 16 | 12,8 | 9,9 | 7,4 | 5,8 | 10,9 |
| Lågast målte °C | 0 | −1 | −1 | 1 | 4 | 9 | 7 | 7 | 7 | 0 | 1 | −2 | −2 |
| Gjennomsnittleg nedbør mm | 18 | 46 | 59 | 59 | 18 | 5 | 19 | 32 | 6 | 2 | 7 | 7 | 278 |
| Gns. dagar med regn | 2 | 2 | 3 | 4 | 4 | 2 | 3 | 4 | 1 | 1 | 1 | 1 | 28 |
| Kjelde: Climate-Data.org, høgd 2241m,[5] Weather2Travel for regndagar og soldagar[8]Voodoo Skies for temperaturrekordar[7] | |||||||||||||
Kjelder
endre- Denne artikkelen bygger på «Abha» frå Wikipedia på engelsk, den 21. mai 2016.
- Wikipedia på engelsk oppgav desse kjeldene:
- ↑ «Saudi-Arabia: largest cities and towns and statistics of their population». World Gazetteer. Arkivert frå originalen 8. desember 2011. Henta 21. mai 2016.
- ↑ 2,0 2,1 2,2 2,3 Hoiberg, Dale H., red. (2010). «Abhā». Encyclopedia Britannica. I: A-ak Bayes (15th utg.). Chicago, IL: Encyclopedia Britannica Inc. s. 30. ISBN 978-1-59339-837-8.
- ↑ 3,0 3,1 3,2 Ham, Anthony; Shams, Martha Brekhus; Madden, Andrew (15 September 2004). Saudi Arabia. Lonely Planet. s. 129. ISBN 978-1-74059-667-1. Henta 27 August 2012.
- ↑ Walker, Jenny; Butler, Stuart (1 October 2010). Oman, UAE & Arabian Peninsula. Lonely Planet. s. 336. ISBN 978-1-74179-145-7. Henta 27 August 2012.
- ↑ 5,0 5,1 «Climate: Abha - Climate graph, Temperature graph, Climate table». Climate-Data.org. Henta 21. mai 2016.
- ↑ Mays, Larry (10. april 2009). Integrated Urban Water Management: Arid and Semi-Arid Regions: UNESCO-IHP. CRC Press. s. 46. ISBN 978-0-415-45348-6. Henta 21. mai 2016.
- ↑ 7,0 7,1 «Abha i Saudi-Arabia». Voodoo Skies. Henta 21. mai 2016.
- ↑ «Abha Climate and Weather Averages i Saudi-Arabia». Weather2Travel. Henta 25. november 2013.
Bakgrunnsstoff
endre
Reiseguide for Abha frå Wikivoyage