Agnes Kittelsen
Agnes Elisabet Hilden Kittelsen (fødd 20. mai 1980) er ein norsk skodespelar frå Vågsbygd i Kristiansand.
| Agnes Kittelsen | |||
.jpg) | |||
| Fødd | 20. mai 1980 (44 år) | ||
|---|---|---|---|
| Fødestad | Vågsbygd | ||
| Fødenamn | Agnes Elisabet Hilden Kittelsen | ||
| Aktive år | 2004– | ||
| Verka som | fjernsynsskodespelar, skodespelar, teaterskodespelar, filmskodespelar | ||
| Ektefelle | Lars Winnerbäck | ||
| Prisar | Amandaprisen for beste kvinnelige birolle, Kanonprisen for beste kvinnelege hovudrolle | ||
Karriere
endreAgnes Kittelsen er utdanna ved Statens teaterhøgskole, der ho vart uteksaminert i 2003. Som ein del av utdanninga deltok ho i ei moderne oppsetjing av Aladdin som amatørskodespelar i 2002.
Ho debuterte på fjernsyn i 2004 i NRK-serien Skolen, og spelte same året i kortfilmen Bagasje. Året etter hadde ho ei birolle i Brødrene Dal og mysteriet om Karl XIIs gamasjer. Hausten 2005 spelte ho ved Den Nationale Scene hovudrolla i Alice i Eventyrland.
Langfilmdebuten til Kittelsen kom med filmen Max Manus i 2008, der ho spelte Tikken Manus, kona til hovudpersonen. For denne rolla vann Kittelsen Amandaprisen for 2009 i klassen «beste kvinnelege birolle».
Etter dette spelte Kittelsen i fjernsynsserien Honningfellen (2009), før ho i 2010 fekk hovudrolla i den norske komedien Sykt lykkelig, med regi av Anne Sewitsky. Ho hadde også ei rolle i fjernsynsserien Dag.
Kittelsen har også hatt rolla som Unn den fagre Herøyspelet i mange år.
Privatliv
endreKittelsen har ein son med den tidlegare sambuaren sin, skodespelaren Endre Hellestveit.[1]
Sidan 2013 har ho vore saman med den svenske musikaren Lars Winnerbäck.[2] Paret gifta seg i Stockholm 30. april 2016.[3] I mars 2019 fekk dei ei dotter.[4]
Rolleliste
endre- 2004: Skolen (fjernsynsserie)
- 2004: Bagasje (kortfilm)
- 2005: Alice i Eventyrland (teater)
- 2005: Brødrene Dal og mysteriet om Karl XIIs gamasjer (miniserie)
- 2006: Road Movie (kortfilm)
- 2007: Kaldt produkt (teater)
- 2008: Max Manus (film)
- 2009: Honningfellen (fjernsynsserie)
- 2010: Sykt lykkelig (film)
- 2010: Neglect (kortfilm)
- 2010: Dag (fjernsynsserie)
- 2012: Halvbroren (fjernsynsserie)
- 2012: Kon-Tiki (film)
- 2014: Herøyspelet (teater)
Kjelder
endre- ↑ -Det aller viktigste er å være til stede for Vetle Arkivert 2011-10-18 ved Wayback Machine., Seher.no, 18. oktober 2011
- ↑ Elise Alexandra Gulbrandsen (24. april 2015). «Winnerbäck om sin norske kjærlighet: – Det er fantastisk». VG. Henta 14. april 2019.
- ↑ «Nå er de gift!». TV 2. 30. april 2016. Henta 1. mai 2016.
- ↑ Marit Grøtte; Silje Lunde Krosby (13. april 2019). «Agnes Kittelsen og Lars Winnerbäck er blitt foreldre». TV 2. Henta 14. april 2019.
- Denne artikkelen byggjer på «Agnes Kittelsen» frå Wikipedia på bokmål, den 25. november 2011.