Agnes Steineger
Agnes Steineger (21. januar 1863–16. juni 1965) var ein norsk målar, teosof og antroposof.
| Agnes Steineger | |
 | |
| Statsborgarskap | Noreg |
| Fødd | 21. januar 1863 Bergen |
| Død |
16. juni 1965 (102 år) |
| Yrke | kunstmålar |
| Agnes Steineger på Commons | |
Liv og virke
endreBakgrunn
endreForeldra hennar var Petter Starner Steineger, som var kjøpmann i Bergen, og Ingeborg Katharina Hess. Agnes var veslesystera til zoologen Leonhard Hess Stejneger.[1][2]
Steineger budde delar av barndommen i Tyrol. Mora døydde då ho av 12 år gammal, og same året gjekk ho på internatskule i Sunnfjord.
Kunst
endreHo gjekk i målelære hos Anders Monsen Askevold i Bergen, og seinare hos Marcus Grönvold og Bertha Wegmann i München. Ho debuterte med måleriet Markblomster i Bergen Kunstforening 1883. Steineger studerte ved Académie Colarossi i 1886 og var på representert på Salonen i Paris 1887 og 1888, i tillegg til Verdsutstillinga i Paris 1889. Hovudsakeleg var ho busett i Italia i perioden frå 1902 til 1914. Det mest kjente verket hennar er Selvportrett frå 1895, som er utstilt i Bergen kunstmuseum.[3]
Teosof og antroposof
endreI 1901 kom Steineger i kontakt med teosofien, og ho var blant dei første medlemmane av Teosofisk Samfunn i Kristiania. Steineger traff Rudolf Steiner først i 1908. I 1914 leia ho ei antroposofisk gruppe i Firenze. Ho drog til Goetheanum i Sveits og deltok saman med fleire nordmenn i verksemda med bygging og utsmykking av det første Goetheanum.[4] Ho spela også klaver til eurytmi.
Siste år
endreEtter opphaldet i Sveits flytta Steineger til Noreg og Bergen, og ho var aktiv i Bergensgruppa i Antroposofisk Selskap heilt fram til ho var hundre år gammal. Steineger var venninne av målaren Frida Hoeck Rusti som var fødd i 1861, og saman feira dei sine 102 og 100 år. Agnes Steineger døydde 16. juni 1965, 102 år gammal.
Kjelder
endre- ↑ Godal, Anne Marit (red.). «Agnes Steineger». Store norske leksikon (på norsk). Oslo: Norsk nettleksikon. Henta 22. june 2013.
- ↑ Gunnar Langhelle. «Leonhard Stejneger, Museumsmann, Zoolog». Norsk biografisk leksikon. Henta 1. september 2016.
- ↑ Lerberg, Ellen J. «Agnes Steineger». I Helle, Knut. Norsk biografisk leksikon (på Norwegian). Oslo: Kunnskapsforlaget. Henta 22. juni 2013.
- ↑ Glenny Alfsen. «Agnes Steineger». Norsk kunstnerleksikon. Henta 1. september 2016.
- Denne artikkelen bygger på «Agnes Steineger» frå Wikipedia på bokmål, den 21. mars 2023.
