Agra
Agra er ein by i delstaten Uttar Pradesh nord i India. Han har kring 1,65 millionar innbyggjarar (2008). Agra ligg ved breidda av elva Yamuna, og er særleg kjend for mogulmausoleet Taj Mahal som ligg her.
| Agra | |||
| devanagari आगरा, urduskrift آگرا | |||
| By | |||
 Taj Mahal i Agra
| |||
| Land |  India
| ||
|---|---|---|---|
| Distrikt | Agra | ||
| Del av | Yamuna-Ganga Doab | ||
| Areal | 188 km² | ||
| Folketal | 1 650 000 (2008) | ||
 Agra 27°11′N 78°01′E / 27.18°N 78.02°E | |||
| Wikimedia Commons: Agra | |||
Agra har 1 260 000 innbyggjarar (2001). Han ligg 19 mil søraust for Delhi. Agra er eit samferdsleknutepunkt med fleire industriar, mellom anna produksjon av fottøy, glas, smykke og tekstilar. Turisme er ein viktig industri ettersom byen har fleire storslåtte bygg og anlegg frå mogultida.
Agra blei først hovudstad under Delhi-sultanatet frå 1501. Mogulane kalla han Akbarabād, og hadde byen som hovudstad frå 1556 til 1658.
I tillegg til Taj Mahal, bygd av sjah Jahan til minne om yndlingskona hans Mumtaz Mahal, finst også Agra fort (1564–720), Perlemoskeen (1646–54) og Jama masjid (ca. 1575). Akbar den store sitt mausoleum ligg ei mil nord for byen. Både Taj Mahal og Agra fort er rekna som verdsarv av UNESCO. Nær Agra ligg også Fatehpur Sikri, ein annan verdsarvstad.
Kjelder endre
- Agra: by i India (2009, 14. februar). I Store norske leksikon. Henta 15. juli 2013.
- Denne artikkelen bygger på «Agra (by i India)» frå Wikipedia på bokmål, den 15. juli 2013.
Denne geografiartikkelen som har med India å gjere, er ei spire. Du kan hjelpe Nynorsk Wikipedia gjennom å utvide han.