Ajman

Ajman (arabisk عجمان‎, romanisert Aǧmān) er hovudstaden i emiratet Ajman i Dei sameinte arabiske emirata og ligg langs Persiabukta.

Ajman
عجمان
by
Land	Dei sameinte arabiske emirata
Emirat	Emiratet Ajman
Folketal	490 035 (2017)
Ajman 25.399444444444°N 55.479722222222°E / 25.399444444444; 55.479722222222
Wikimedia Commons: Ajman

Folketal

Byen hadde 238 000 innbyggjarar i 2010. Dette er meir enn 90 % av folketalet i heile emiratet. Byområdet glir direkte over i byen Sharjah langs kysten i sørvest, som igjen har vokse saman med Dubai. I lag dannar dei eit samanhengande byområde.

Handel

I Ajman ligg kontoret til emiren, fleire selskap og marknadar, og kring 50 internasjonale og lokale butikkar. Her ligg òg fleir bankar.

Turisme

Ajman har kome i gang att etter finanskrisa i 2007-2008. Turistmåla i emiratet, inkludert hotell, shopping og kulturinstitusjonar, er i rask vekst. Av turistmål finn ein Ajman nasjonalmuseum nær Ajman Fort, Det raude fortet og museet i innlandsenklaven Manama.

Mange familiar vitjar den travle og populære cornichen i Ajman på kveldane og i helgane med mange snøggmatbutikkar, kafear og bodar.

Samferdsle

Den naturlege hamna i Ajman ligg langs ei naturleg vik som går innover i byen. Arab Heavy Industries ligg i Ajman og er ein av dei største skipsprodusentane i verda.

Hovudflyplassen i emiratet ligg i enklaven Manama, kring 60 km aust for byen, og er dermed i ein av dei mest fjerntliggande delane av emiratet. Sharjah internasjonale lufthamn ligg derimiot berre nokre få kilometer unna.

Kjelder

• Denne artikkelen bygger på «Ajman» frå Wikipedia på engelsk, den 19. september 2016.
  • Wikipedia på engelsk oppgav desse kjeldene:

Bakgrunnsstoff

Commons har multimedium som gjeld: Ajman

• Offisiell nettstad