Akademiet Bergen
Akademiet Bergen er ein privat vidaregåande skule i Bergen. Skulen starta opp i 2004 og har omlag 120 elevar (2016). Skulen er ein del av Akademiet, den største private skulekjeda i Noreg,[1] med skular i Bergen, Drammen, Fredrikstad, Oslo, Kristiansand, Molde, Sandnes, Trondheim og Ålesund.[2]
| Akademiet Bergen | |
| Motto | For deg som vil litt mer |
|---|---|
| Skuletype | Vidaregåande skule |
| Grunnlagd | 2004 |
| Fylke | Vestland |
| Kommune | Bergen |
| Adresse | Johannes Bruns gate 12 5008 Bergen |
| Rektor | Rita Hatlestad |
| Elevar | 120 |
| Nettstad | www.akademiet.no/Vgs/Skolesteder/Bergen.aspx |
 Akademiet Bergen | |
PlasseringEndra
Ved skipinga i 2004 heldt skulen til i Fabrikkgata. Han held så til i Lars Hilles gate 17 i fleire år og blir frå hausten 2017 å finne i Johannes Bruns gate 12.
OpplæringstilbodEndra
Skulen tilbyr følgjande utdanningsprogram og programområde:
- Program for påbygging til generell studiekompetanse.
- Program for studiespesialisering.
- Privatistundervisning.
Påbygg til generell studiekompetanseEndra
Dette utdanningsprogrammet skal gi studentar generell studiekompetanse etter fyrst å ha hatt yrkesfagleg utdanning på Vidaregåande trinn 2. Faga er historie, kroppsøving, naturfag, norsk og matematikk, i tillegg til eitt programfag.[3]
StudiespesialiseringEndra
Dette utdanningsprogrammet[4] skal førebu elevane for vidare studier ved universitet og høgskular. Med bestått vitnemål oppnår ein generell studiekompetanse.
I Vidaregåande trinn 1 er utdanningsprogrammet likt ved alle skular (bortsett frå fellesfaga framandspråk og matematikk), og inneheld faga engelsk, framandspråk, geografi, kroppsøving, matematikk, naturfag, norsk og samfunnsfag.[5] Akademiet Drammen tilbyr framandspråka engelsk, fransk, tysk og spansk. Vidaregåande trinn 2 og 3 består av både fellesfag og programfag. På begge trinna vel ein 3 programfag der minst 2 må vere innanfor eit valt programområde: realfag eller språk, samfunnsfag og økonomi. Fellesfaga på det andre trinnet er framandspråk, historie, kroppsøving, matematikk og norsk,[6] og på det tredje trinnet historie, kroppsøving, norsk og religion.[7]
PrivatistundervisingEndra
Akademiet Privatistskole tilbyr undervising for privatistar. Undervisinga er på både dagtid og kveldstid,[8] og er skilt frå øvrige opplæringstilbod. Akademiet tilbyr faga biologi, fysikk, engelsk, historie, kjemi, kroppsøving, matematikk, medie- og informasjonskunnskap, naturfag, norsk og samfunnsfag.[9]
ReferansarEndra
- ↑ «NRK: Privatskole omgår Regjeringens privatskoleregler». 27. februar 2012.[daud lenkje]
- ↑ «Akademiet.no - Om oss». 29. september 2012.
- ↑ «Akademiet.no: Utdanningsprogram: Påbygging til generell studiekompetanse». 29. juni 2012.
- ↑ «Udir.no: Utdanningsprogram: Studiespesialisering». 29. juni 2012. Arkivert frå originalen 27. januar 2013. Henta 22. februar 2013.
- ↑ «Akademiet.no: Videregående utdanningsprogram: Studiespesialisering Vg1». 29. juni 2012.
- ↑ «Akademiet.no: Videregående utdanningsprogram: Studiespesialisering Vg2». 29. juni 2012.
- ↑ «Akademiet.no: Videregående utdanningsprogram: Studiespesialisering Vg3». 29. juni 2012.
- ↑ «Akademiets undervisningstilbud for privatister». 27. februar 2012.
- ↑ «Akademiet.no: Kurstyper». 29. juni 2012.