Aker Elektro
Aker Elektro (AEL), tidlegare Stord Elektro og Aker Kværner Elektro, er eit industriselskap i Aker Solutions-gruppa. AEL leverer elektro-, instrument- og telekommunikasjonsutstyr og -tenester til olje- og gassindustrien, hovudsakleg på norsk sokkel. AEL har avdelingar på Stord, i Stavanger, i Bergen og i Stjørdal. Firmaet har om lag 1530 tilsette.
| Aker Elektro AS | |||
| Org.form | Aksjeselskap | ||
|---|---|---|---|
| Bransje | Petroleumsutvinning | ||
| Skipa | 1946 | ||
| Eigar | Aker Solutions | ||
| Hovudkontor | Stord/ Stavanger | ||
| Land | Noreg | ||
| Tilsette | 1530 | ||
| Nettstad | www.akersolutions.com | ||
Historie
endreFirmaet vart skipa på Stord i 1946, då under namnet Stord Elektro.
Då Aker Maritime og Kværner vart slegne saman til Aker Kværner, vart Kværner sine elektro- og automasjonsavdelingar overførte til Aker Elektro. Firmaet skifta seinare namn til Aker Kværner Elektro. Hovudkontoret vart flytta frå Stord til Stavanger på 2000-talet. AEL er i dag leiande i Noreg på sitt fagområde. Då Aker Kværner skifta namn til Aker Solutions i 2008, vart firmaet heitande Aker Elektro att.
