Al Mukalla
Al Mukalla (arabisk المكلا, Al Mukallā) er ein hamneby og det administrative senteret i kystregionen Hadhramaut i Jemen sør i Arabia. Al Mukalla er den viktigaste hamnebyen i Hadramaut guvernement, det største guvernementet i Jemen. Han ligg ved Adenbukta nær Arabiahavet, 480 km aust for Aden.
| Al Mukalla | |||
| المكلا | |||
| by | |||
 Al Mukalla sett frå hamna
| |||
| Land |  Jemen
| ||
|---|---|---|---|
| guvernement | Hadramaut | ||
| Koordinatar | 14°32′N 49°08′E / 14.533°N 49.133°E | ||
| Folketal | 531 205 (2004) | ||
| Grunnlagd | 1035 | ||
| Tidssone | Jemen Standard Time (UTC+3) | ||
 Al Mukalla 14°32′00″N 49°08′00″E / 14.533333333333°N 49.133333333333°E | |||
  | |||
| Wikimedia Commons: Mukalla | |||
Al Mukalla er den femte største byen i Jemen med eit folketal på kring 300 000. Byen vert tent av Riyan lufthamn.
Historie endre
Al Mukalla ligg ikkje langt frå «Cane» eller «Qana'», ein viktig kjøpstad i antikken mellom India og Afrika, med områda som produserte røykjelse i landet innafor.[1]
Al Mukalla vart grunnlagd i 1035 som ein fiskarlandsby. Området var ein del av Oman fram til midt på 1000-talet, og seinare i dei jemenittiske statane.
Han var hovudstaden i Qu'aiti-staten Hadhramaut fram til 1967 då han vart ein del av Sør-Jemen. Qu'aiti-staten var ein del av det austlege protektoratet Aden fram til Jemen-statane vart slått saman. Ein britisk rådgjevar var stasjonært i Al Mukalla.
I 1934 vitja den britiske eventyraren Freya Stark dei indre områda av Hadhramaut frå Al Mukalla, og opphaldet hennar i byen er omtalt i boka hennar, The Southern Gates of Arabia.[2]
Slaget ved Al Mukalla endre
Den 2. april 2015 storma Al-Qaida på Den arabiske halvøya (AQAP) fengselet i byen, og sette fri hundrevis av fangar, mellom anna to AQAP-kommandantar. Dei gjekk til åtak på sentralbanken og tok 17 milliardar jemenittiske riyal og 1 million amerikanske dollar før dei tok kontroll over presidentpalasset i byen. Det vart rapportert at heile byen er under deira kontroll og at dei planlegg å opprette eit islamsk emirat i Hadramaut-området.[3]
I april 2015 vart Nasser bin Ali al-Ansi drepen i eit droneåtak i byen.[4]
Økonomi endre
Hovudmarknaden, soukh, er ein av dei viktigaste handelsstadane i byen.
Mukalla hamn ligg aust for byen. Hamna kan berre ta i mot skip som er kortare enn 150 meter. Hamna er tilpassa med oljerøyrleidningar for tankskip.
Sementfabrikken Raysut ligg i hamna og kan ta i mot store mengder sement frå frakteskip.
Turistmål endre
Gamlebyen er open for turistar. Her ligg mellom anna sultanpalasset. Vakttårn finst i utpostar i fjella kring gamlebyen.
-
Al-Ghwayzi fort -
Al Mukala-estuaret om kvelden.
Kjelder endre
- Denne artikkelen bygger på «Al Mukalla» frå Wikipedia på engelsk, den 29. mai 2016.
- Wikipedia på engelsk oppgav desse kjeldene:
- ↑ «Myos Hormos». Maritime røykjelsesvegen. Henta 29. mai 2016.
- ↑ Stark, Freya, The Southern Gates of Arabia, John Murray, London, 1936 (and reprinted in many modern editions)
- ↑ http://www.telegraph.co.uk/news/worldnews/middleeast/yemen/11510765/Al-Qaida-frees-300-prisoners-in-Yemen-jail-break.html
- ↑ http://www.cnn.com/2015/05/07/middleeast/aqap-commander-killed/
