Aleksandr Barysjnikov

Aleksandr Georgijevitsj Barysjnikov (fødd 11. november 1948) er ein sovjet-russisk tidlegare kulestøytar frå Khabarovsk kraj som representerte Sovjetunionen. Han vann bronsemedaljen i øvinga både under OL 1976 i Montreal, EM 1978 i Praha og sølvmedaljen i OL 1980 i Moskva.

Aleksandr Barysjnikov
Statsborgarskap	Sovjetunionen, Russland
Fødd	11. november 1948 Tsjlja
Død	15. september 2024 (75 år) St. Petersburg
Idrett	friidrett
Tok del i	Sommar-OL 1980, Sommar-OL 1976
Utmerkingar	Ærestegnets orden

Aktiv

Barysjnikov melde seg på i verdstoppen i 1972-sesongen med eit bestestøyt på 20,54 m, men mislukkast heilt ved Sommar-OL i München. Den 25. august 1974 i Moskva overraska han stort då han forbetra seg med over ein meter og sette europarekord med eit støyt på 21,70 meter, også årsbeste i verda. Prestasjonen vart ein framskuv for rotasjonsteknikken, ein teknikk nokre få kulestøytarar hadde byrja utprøve i dei fyrste 1970-åra. Under europameisterskapen i Praha like etter måtte han nøye seg med 20,13 m og fjerdeplass.

I dei olympiske sommarleikane 1976 vart Barysjnikov tredjemann med 21,05 m som best, 2 cm bak sølvmedaljøren Jevgenij Mironov og 5 cm kortare enn gullvinnar Udo Beyer frå Aust-Tyskland. To år seinare fekk Barysjnikov ein ny bronse ved Praha, også då med Beyer og Mironov som sine overmenn. Under Sommar-OL 1980 i Moskva støytte Barysnjnikov 21,08 m og kneip sølvmedaljen framom Beyer, dei begge kunne lite gjere med Vladimir Kiseljov som støytte kula 21,35 m.

Medaljar og plasseringar i internasjonale meisterskap

• OL 1972 i München: Utslått i kvalifiseringa (18,65 m =nr 22)
• EM 1974 i Roma: Nr 4 – 20,13 m
• OL 1976 i Montreal: Bronsemedalje – 21,05 m
• EM 1978 i Praha: Bronsemedalje – 20,68 m
• OL 1980 i Moskva: Sølvmedalje – 21,08 m, framom Udo Beyer (21,06 m)

Kjelder

• Denne artikkelen bygger på «Alexander Georgijewitsch Baryschnikow» frå Wikipedia på tysk, den 21. mai 2020.

• «Aleksandr Baryshnikov» (på engelsk). Olympedia. Henta 9. april 2023.