Alexander Kahr
Alexander Kahr (fødd 16. august 1965 i Wien) er ein austerriksk musikkprodusent, platepratar og låtskrivar.
| Alexander Kahr | |||
| Fødd | 16. august 1965 (59 år) | ||
|---|---|---|---|
| Fødestad | Wien | ||
| Opphav | Austerrike | ||
| Verka som | komponist | ||
Eurovision
endreSong.Null.Zwei
endreKahr hadde i 2002 skrive den engelskspråklege songen «Say a Word» saman med Robert Pfluger. Songen deltok i Song.Null.Zwei, den austerrikske uttakinga til Eurovision Song Contest 2002 i Tallinn i Estland, og vart framført av Manuel Ortega. Bidraget vann og fekk representere Austerrike.
Eurovision Song Contest 2002
endreAusterrike deltok i Eurovision Song Contest 2002 og enda på 18. plass med 26 poeng; tolv frå Tyrkia, sju frå Sveits og fem frå Belgia og eitt frå Kypros og Russland.
Österreich rockt den Song Contest 2013
endreSaman med Nikola Paryla, Andreas Grass og Natália Kelly skreiv han den engelskspråklege songen «Shine» som sistnemnde sendte inn til Österreichischer Rundfunk (ORF). Songen vart vald ut til å delta i Österreich rockt den Song Contest, den austerrikske uttakinga til Eurovision Song Contest 2013, og vart framført av Kelly. I finalen vann bidraget og fekk representere Austerrike.
Eurovision Song Contest 2013
endreI Eurovision Song Contest 2013 i Malmö i Sverige deltok Austerrike i den fyrste semifinalen 14. mai 2013 og enda på 14. plass med 27 poeng; fire frå Kroatia, Danmark og Irland, tre frå Moldova og Belgia og to frå Kypros, Serbia og Italia og eitt frå Estland, Slovenia og Storbritannia. Hadde ein berre nytta telefonrøystar hadde bidraget femteplass med ei rangering på 6,32 og hadde ein berre nytta juryrøystar hadde bidraget enda på 15. plass med ei rangering på 12,33. Desse resultata gjeld berre om berre juryane og berre fjernsynssjåarane i alle deltakarlanda hadde røysta, men resultata er likevel upresist av di det ikkje er offentleggjort kor mange røyster kvart land fekk frå juryen og sjåarane.[1] Landet kvalifiserte seg dimed ikkje til finalen 18. mai 2013. På scena hadde Kelly med seg fem støttevokalistar: Karin Bauer, Regina Mallinger, Birgit Kubica, Harald Baumgartner og Monika Ballwein.[2]
Eurovision Song Contest 2014
endreSaman med Stella Jones, Michael Dörfler, Dietmar Lienbacher og Diana Lueger var Kahr ein del av den austerrikske juryen i Eurovision Song Contest 2014 i København i Danmark. Røystene frå juryen vart sett saman med dei austerrikske telefon-, SMS- og App-røystene, og utgjorde 50 prosent av røystene frå Austerrike. Juryen røysta i den andre semifinalen, der Austerrike deltok, og finalen.[3]
Kjelder
endre- Denne artikkelen bygger på «Alexander Kahr» frå Wikipedia på tysk, den 1. juni 2013.
- Kahr Alexander Kahr ved The Internet Movie Database (IMDb)
Fotnotar
endre- ↑ Eurovision Team (28. mai 2013). «Split results of Eurovision 2013 revealed» (på engelsk). Henta 1. juni 2013.
- ↑ Natália Kelly (7. mai 2013). «MALMÖ 2013 | Facebook». Facebook. Henta 26. mai 2013.
- ↑ «ESC 2014 Jury» (PDF) (på engelsk). Eurovision.tv. 1. mai 2014. Henta 1. mai 2014.