Alexi Murdoch
Alexi Murdoch (fødd 27. desember 1973) er ein britisk musikar, låtskrivar og visesongar.
| Alexi Murdoch | |||
 | |||
| Fødd | 27. desember 1973 (50 år) | ||
|---|---|---|---|
| Fødestad | London | ||
| Opphav | Storbritannia | ||
| Aktiv | 2002– | ||
| Sjanger | alternativ rock, akustisk musikk, indiefolk, country | ||
| Instrument | vokal | ||
| Plateselskap | City Slang | ||
| Verka som | songar-låtskrivar, songar | ||
| Mor | Louise Cordet | ||
Murdoch er fødd i London, men har vakse opp i både Hellas, Skottland og Frankrike og bur for tida i Berlin. Faren er gresk og mora er skotsk-fransk.
Karriere
endreMurdoch flytte til USA i 1992 for å studera, og talentet hans blei oppdaga då ein DJ i Los Angeles starta å spela songane hans på lokalradio. Musikkindustrien synte stor interesse, men Murdoch skal ikkje ha brydd seg om dette.
Han platedebuterte med EP-en Four Songs i 2002, med over 50 000 selde eksemplar. Den fyrste fulle plata hans kom ut i 2006 og fekk namnet Time Without Consequence. Oppfylgjaren Towards the Sun kom i 2011.
Ein av dei «fire songane» frå debut-EPen heitte «Orange Sky». Den vart den mest spelte songen på ein lokalradio i Philadelphia i 2004. Seinare har denne songen vorte brukt til mange store USA-amerikanske fjernsynsseriar, som House, The O. C., Prison Break, Ugly Betty, Dirty Sexy Money, Ladder 49 og så bortetter. Fleire av songane hans har også vorte brukt i populære fjernsynsseriar og filmar, som Grey's Anatomy, Scrubs, Brothers & Sisters og One Tree Hill.
Kjelder
endre- Denne artikkelen byggjer på «Alexi Murdoch» frå Wikipedia på engelsk, den 19. oktober 2009.
- Fødselsdatoen er henta frå «Alexi Murdoch» frå Wikipedia på tysk, den 19. oktober 2009.