Alfonso García Robles
Alfonso García Robles (20. mars 1911–2. september 1991) var ein meksikansk diplomat, politikar og vinnar av Nobels fredspris i 1982.
| Alfonso García Robles | |||
 | |||
| Fødd | Alfonso García Robles 20. mars 1911 Zamora | ||
|---|---|---|---|
| Død | 2. september 1991 Mexico by | ||
| Nasjonalitet | Mexico | ||
| Område | fysikk | ||
| Yrke | diplomat, skribent, advokat, politikar, jurist | ||
| Institusjonar | Dei sameinte nasjonane | ||
| Alma mater | Universidad Nacional Autónoma de México | ||
| Medlem | Colegio Nacional | ||
Biografi
endreAlfonso García Robles voks opp i byen Zamora i delstaten Michoacán i Vest-Mexico. Han studerte jus ved Universidad Nacional Autónoma de México før han vart tilsett ved utanrikstenesta i Mexico i 1939. Her jobba han fram til 1946. I 1945 var han delegat for Mexico ved konferansen i San Fransisco som oppretta dei sameinte nasjonane. Frå 1946 - 1957 var han sjef for den politiske avdelinga i SN-sekretariatet, og etter dette vart han på nytt tilsett for utanrikstenesta.
Frå 1962 - 1964 var han ambassadør for Brasil, og frå 1964 til 1970 var han statssekretær for utanriksdepartementet. Robles var ei av drivkreftene til Tlatelolco-traktaten, som vedtok at Latin-Amerika og Karibia skulle vera atomvåpenfri sone. Avtalen vart underskriven i 1967 og endeleg sett i verk i 1969.
Frå 1971 til 1975 var Robles Mexico sin faste representant i SN, og i 1972 vart han eit medlem av heidersakademiet Colegio Nacional. I 1975 - 1976 vart han utanriksminister i Mexico, og same året vart han utnemnd til permanent representant i nedrustningskonferansen UNCD.
I 1982 vart Alfonso García Robles tildelt Nobels fredspris saman med den svenske politikaren og diplomaten Alva Myrdal. Både Myrdal og Robles fekk prisen for sin innsats med Tlatelolco-traktaten. Robles døydde i 1991, og i 2003 vart namnet hans rissa inn i heidersmuren ved Palacio Legislativo de San Lázaro, hovudkvartera til den meksikanske kongressen.
Kjelder
endre- Denne artikkelen byggjer på «Alfonso García Robles» frå Wikipedia på engelsk, den 27. desember 2011.
- «Alfonso_García_Robles» i Store norske leksikon, snl.no., henta inn den 27. desember 2011.