Anders Baasmo Christiansen
Anders Baasmo Christiansen (fødd 29. januar 1976) er ein norsk skodespelar frå Furnes.
| Anders Baasmo Christiansen | |
 Anders Baasmo Christiansen i 2010 Foto: Jarle Vines
| |
| Statsborgarskap | Noreg |
| Fødd | 29. januar 1976 (48 år) Hamar kommune |
| Yrke | skodespelar, fjernsynsskodespelar |
| Anders Baasmo Christiansen på Commons | |
Biografi
endreAnders Baasmo Christiansen utdanna seg ved Statens Teaterhøgskole frå 1997-2000. Hausten 2000 vart han tilsett ved Trøndelag Teater, der han m.a. spelte Mozart i stykket Amadeus av Peter Schaffer, samt fleire roller i Peer Gynt. Amadeus' vann Hedda-prisen for beste førestilling i 2001. Denn Frå 2002 starta han ved Det Norske Teatret, og han har også gjesta Hålogaland Teater og Riksteatret som skodespelar.
På film spelte Baasmo Christiansen i eit par norske kortfilmar og Kaptein Sabeltann-filmar før han i 2003 fekk spela ei av hovudrollene i filmen Buddy saman med Nicolai Cleve Broch og Aksel Hennie. Denne rolla gav han Amandaprisen for 2003 i klassen Beste mannlege hovudrolle, og gav karrieren hans eit kraftig lyft. Av større produksjonar spelte han i 2005 i 37 og et halvt og miniserien Ran. Han spelte rolla som Ibsen i NRK-miniserien En udødelig mann (2006) og spelte i Mars & Venus (2007).
I 2007 fekk han for fyrste gong ei rolle i ein nordisk film, nemleg den svenske produksjonen Arn - Tempelridderen. Filmen er den fyrste av to filmar om den svenske tempelryttaren Arn, basert på bøkene av Jan Guillou. Baasmo Christiansen hadde rolla som nordmannen Harald Øysteinsson, ein av Arn sine allierte. Regissøren av filmane var danske Peter Flinth, og Christiansen spelte her saman med Joakim Nätterqvist, Sofia Helin, Bibi Anderson og Stellan Skarsgård. Han hadde same rollefiguren i oppfylgjaren Arn - Riket ved veiens ende frå 2008.
I 2008 dukka Baasmo Christiansen også opp i Fatso av Arild Fröhlich, hadde hovudrolla i Nord frå 2009, og spelte vidare i Vegas (2009), Bestevenner (2009 og En ganske snill mann (2010), nok ein gong saman med Stellan Skarsgård. Dei siste åra har han spelt i fjernsynsseriane Dag og Koselig med peis. Han har i tillegg hatt mange roller som stemmeskodespelar i teiknefilmar.
Heider
endre- 2004: Amandaprisen - beste mannlege hovudrolle for rolla som Stig Inge Otnes i Buddy
- 2007: Gullruten - beste mannlege skodespelar for rolla som Henrik Ibsen i En udødelig mann
- 2008: Heddaprisen - beste mannlege hovudrolle for Hamlet.
- 2010: Kanonprisen - beste mannlege hovudrolle for rolla som Jomar Henriksen i Nord
- 2011: Gullruten - beste mannlege hovudrolle for rolla som Benedikt Skovrand i Dag
Filmografi
endre- 2012 Kon-Tiki (film)
- 2011 Koselig med peis (Fjernsynsserie)
- 2010 Fjernsynsserien Dag
- 2010 En ganske snill mann (Film)
- 2009 Min pappa av papp (Kortfilm)
- 2009 Bestevenner (Film)
- 2009 Vegas (Film)
- 2009 Nord (Film)
- 2008 Fatso (Film)
- 2008 Arn – Riket ved veiens ende
- 2007 Arn – Tempelridderen (Film)
- 2007 Mars & Venus (Film)
- 2007 Null-null (Kortfilm)
- 2007 Baluba Runa (Kortfilm)
- 2007 Tommy (Kortfilm)
- 2006 En udødelig mann (Miniserie)
- 2005 Ran (Miniserie)
- 2005 37 1/2 (Film)
- 2004 Iver (Kortfilm)
- 2003 Buddy (Film)
- 2003 Sitt stille! (Kortfilm)
- 2003 Tom & Gry (Kortfilm)
- 2002 Kaptein Sabeltann og jakten på den magiske diamant (Film/førestilling)
- 2002 Anolit (Kortfilm)
- 2000 1 av 6 (Kortfilm)
- 2000 Kaptein Sabeltann og den forheksede øya (Film/førestilling)
Kjelder
endre- Bokmålswikipedia om Anders Baasmo Christiansen, henta inn 20. november 2011.
- «Anders_Baasmo_Christiansen» i Store norske leksikon, snl.no.
- Filmografien er samansett av profilen til Anders Baasmo Christiansen på imdb.com og profilen på Filmfront.no.