Andreas Guttormsen Egge

Andreas Guttormsen Egge (4. juni 1816–11. november 1893) var ein gardbrukar, ordførar og stortingsmann frå Lier i Buskerud. På Stortinget var han medlem av Venstre. Johan Hyggen var ein brorson.

Andreas Guttormsen Egge
Fødd	4. juni 1816 Lier kommune
Død	11. november 1893 (77 år)
Statsborgar av	Noreg
Parti	Venstre
Yrke	politikar, bonde
Alle verv	stortingsrepresentant (1871–1873) ordførar i Lier (1856–1879) vararepresentant til Stortinget (1868–1870) vararepresentant til Stortinget (1874–1876) stortingsrepresentant (1877–1879) stortingsrepresentant (1880–1882) stortingsrepresentant (1883–1885) stortingsrepresentant (1886–1888)

Far hans var gardbrukar på Helgerud i Lier. Sjølv vart han i 1839 eigar av garden Egge, busette seg der to år seinare. Han var medlem av heradsstyret i over 30 år, ordførar frå 1856 til 1880. Elles hadde han mange kommunale verv og var forlikskommissær i tolv år.

Egge var stortingsmann frå Buskerud 1871-73 og 1877-88. Bolken 1871-73 var han medlem av justiskomite nr 1. Heile perioden 1877-88 var han medlem av Lagtinget og attåt var han medlem av justiskomiteen 1877-82 og gasje- og pensjonskomiteen 1883-88. I 1883-84 var han medlem av riksretten mot statsminister Christian Selmer, der han var den fyrste som røysta over domsslutninga.

Han døydde på garden sin i 1893.

Kjelder

• Lindstøl, Tallak (1914). «Egge, Andreas Guttormsen». Stortinget og statsraadet: 1814-1914. Kristiania: Steenske bogtrykkeri. s. 205. 
• Biografisk informasjon om Andreas Guttormsen Egge NSD Norsk senter for forskningsdatas politikararkiv