Andrew Wakefield

britisk kirurg

Andrew Jeremy Wakefield (fødd i 1957) er ein britisk tidlegare kirurg og forskar.

Andrew Wakefield
Andrew Wakefield with Justyna Socha Warsaw 2019.jpg
Fødd1957
Eton i Berkshire
NasjonalitetStorbritannia
Yrkekirurg, antivaksineaktivist, filmprodusent, filmregissør, manusforfattar
Alma materImperial College London
SambuarElle Macpherson

Wakefield er mest kjend for si forfalska forsking på den påståtte samanhengen mellom MMR-vaksine og autisme.[1][2] I 1998 publiserte han ein studie som viste ein klår samanheng, og dette førte til sterk skepsis til vaksine i Storbritannia. Skepsisen spreidde seg til mange andre land, mellom dei Noreg.[3]

Til trass for at ingen andre forskarar lukkast i å replikere studien, vart ikkje svindelen avdekt før i 2004 då journalisten Brian Deer undersøkte saka. Han avdekte at Wakefield hadde forfalska studien, og at han òg hadde økonomiske motiv for å gjera dette.[4]

I 2010 vart Wakefield frådømd retten til å praktisera som lækjar i Storbritannia.[5]

Som følgje av Wakefield sitt forskingsjuks og nedgangen i folk som vaksinerer borna sine har førekomsten av meslingar stige markant i Storbritannia, noko som igjen har ført til alvorleg sjukdom og død for enkelte uvaksinerte.[6] Liknande tendensar har ein sett internasjonalt, og i Sør-Afrika har den irrasjonelle redsla for MMR-vaksinen ført til fleire hundre dødsfall blant born som har fått meslingar.[7]

Til trass for avsløringene har Wakefield mange tilhengarar verda over, og skepsisen mot MMR-vaksinen har halde seg ved like.[8] Mellom dei som har støtta Wakefield sin påstand om ein samanheng mellom vaksinar og autisme er Donald Trump.[9]

Den norske antroposofen Trond Skaftnesmo har i boka Folkefiende prøvd å tilbakevisa tiltalane mot Wakefield og meiner at han er utsett for eit politisk komplott.[10]

KjelderEndra