Angela Merici
Angela Merici (21. mars 1474–27. januar 1540) var ei italiensk nonne og ordensgrunnleggjar av ursulinarane. Ho er rekna som som helgen i den katolske kyrkja, der ho har helgendag den 27. januar.
| Angela Merici | |||
 | |||
| Fødd | 21. mars 1474 | ||
|---|---|---|---|
| Fødestad | Desenzano del Garda | ||
| Daud | 27. januar 1540 | ||
| Dødsstad | Brescia | ||
| Yrke | nonne | ||
| Helgendag | 27. januar | ||
Biografi endre
Angela Merici var fødd i Desenzano del Garda i Brescia. Ho blei foreldralaus då ho var ti år gammal, og hadde berre ei syster frå den næraste familien att. Ein slektning i Salo tok hand om jentene. Snart døydde også systera; dette fann stad så raskt at ho ikkje kunne få viaticum (nattverd for døyande), noko som uroa Angela Merici mykje. Ho gjekk inn i fransiskanarane sin tredje orden i Salo før ho var fylt 20. Etter at slektningen hennar i Salo også døydde, flytta ho tilbake til heimstaden sin, der ho opna heimen sin som ein jenteskule. Suksessen hennar med dette førte til at byen Brescia ba henne om å oppretta ein annan skole der, noko ho gjorde. I 1524 drog ho på pilgrimsferd til Det heilage landet, men blei blind under reisa dit. Det blir fortald om henne at synet kom tilbake til henne gjennom eit mirakel. Etter besøket i Jerusalem drog ho til Roma for å få avlat, og blei beden av paven om å bli verande, men kallet hennar skal ha fordoe dette. Tillbaka i Brescia, den 25. november 1535, grunnla ho ursulinarordenen ved å velja ut tolv av elevane sine. Ordenen har heilage Ursula som vernehelgen.
Angela Merici døydde i Brescia. Ho er gravlagd i St. Afrakyrkja i byen, ikkje langt unn huset der dei fyrste ursulinarane budde. Pave Pius VII helgenerklærte henne i 1807. Før heilagkåringa blei kista hennar opna, og kroppen hennar skal ha verka urørt av tida.
Ein kommune i Quebec, Sainte-Angèle-de-Mérici, er oppkalla etter henne.
Kjelder endre
- Denne artikkelen bygger på «Angela Merici» frå Wikipedia på svensk, den 29. juli 2022.
- Wikipedia på svensk oppgav desse kjeldene:
- Ott, Michael. "St. Angela Merici." The Catholic Encyclopedia. Vol. 1. New York: Robert Appleton Company, 1907
- "Saint Angela Merici", Saint SQPN.com, sida lese 27 januar 2009