Ansgar

Ansgar er eit mannsnamn som kjem frå tysk,samansett av ans-, 'ås' (gud) og -gar, 'spyd'. Ansgar svarar til det norske namnet Åsgeir og til det engelske namnet Osgar, kanskje det same namnet som Oskar.

Ansgar har namnedag 3. februar.

Bruken av namnet i Noreg

Namnet «Anskar» kom i bruk i Noreg rundt 1860, registrert i Vestfold på 1840-talet.

• Ved folketeljinga i 1801 var namnet ikkje registrert brukt.
• Ved folketeljinga i 1900 var det 345 registrerte med namnet, i formene Anscar, Ansgaard, Ansgahr, Ansgar, Ansgard, Ansgarius, Anskar, Anskarius. Mange brukarar budde i Aust-Agder, heile 24 i Dybvåg.
• I 2008 var det 392 menn som hadde Ansgar til første fornamn, 9 heitte Anskar.

Kjende namneberarar

• Den heilage Ansgar, munk og misjonær til Norden
• Ansgar Gabrielsen, (f. 1955), norsk politikar

Kjelder

• Folketeljingar i Digitalarkivet
• Olav Veka 1991: Namneboka, Det Norske Samlaget ISBN 82-521-3604-4

• Søk etter norsk namnestatistikk for Ansgar hjå Statistisk Sentralbyrå