Anton Mohr
Anton Mohr (8. februar 1890–14. september 1968) var ein norsk økonom og geograf frå Bergen, i si tid allment kjend for eit titals bøker om reiser og økonomiske tilhøve frå heile verda. Han var son til den rike kjøpmannen Conrad Mohr og bror til Wilhelm Mohr.
| Anton Mohr | |||
 | |||
| Fødd | 8. februar 1890 Fana kommune | ||
|---|---|---|---|
| Død | 14. september 1968 | ||
| Nasjonalitet | Noreg | ||
| Område | samfunnsøkonomi | ||
| Yrke | journalist, historikar, professor, geograf | ||
| Institusjonar | Norges handelshøyskole | ||
| Alma mater | Universitetet i Oslo | ||
| Medlem | Det Norske Videnskaps-Akademi | ||
Mohr reiste i 1913 med foreldra på ein verdsomspennande tur. Frå da av skreiv han over 1300 artiklar i Aftenposten, der han var fast utanriks-kronikør frå 1920. I 1915 tok han cand.philos.-graden i historie ved Universitetet i Kristiania og åtte år seinare vart han dr.philos. på ei avhandling om Nil-økonomien. Der etter var han 1926-31 universitetsstipendiat i politisk geografi.
Mohr tok 1933-36 del i planlegginga av Norges Handelshøyskole. Frå 1. juli 1936 arbeidde han på høgskulen som dosent i handelsgeografi, saman med Axel Sømme. Seinare vart handelshistorie og kolonialpolitikk fagområda hans. Frå 1946 til 1960 var han professor i økonomisk historie.
I tillegg til fleire økonomiske avhandlingar skreiv Mohr reiseskildringar, barnebøker og tre verk om napoleonstida.
Kjelder endre
- Denne artikkelen bygger på «Anton Mohr» frå Wikipedia på bokmål, den 9. desember 2017.
- Norsk Allkunnebok. VIII. Bandet. 1958