Arktitsjeskij Institut-øyane
Arktitsjeskij Institut-øyane (russisk Острова Арктического института) er ei lita øygruppe med smale øyar dekte av tundra. Dei ligg i Karahavet, om lag 173 km nord for kysten av Sibir og 45 km sør for næraste øygruppe, Izvestij TSIK-øyane.
| Arktitsjeskij Institut-øyane | |||
| øygruppe | |||
 | |||
| Land |  Russland
| ||
|---|---|---|---|
 Arktitsjeskij Institut-øyane 75°32′00″N 82°05′00″E / 75.533333333333°N 82.083333333333°E | |||
| Wikimedia Commons: Arkticheskiy Institut Islands | |||
Avstanden mellom den nordlege og sørlege enden av øygruppa er 49,5 km og på det breiaste er ho berre 21 km frå aust til vest. Den største av øyane vert kalla Bolsjoj ('Stor').
Det er mykje pakkis i havet omkring Arktitsjeskij Institut-øyane gjennom den lange vinteren og klimaet er hardt. Sjølv om sommaren er det mykje isflak i havet.[1]
Øygruppa høyrer til Krasnojarsk kraj i Russland og er ein del av Det store arktiske nasjonale naturreservatet, det største naturreservatet i Russland.[2]
Arktitsjeskij Institut-øyane vart kalla opp etter Det arktiske og antarktiske forskingsinstituttet i Sovjetunionen.
Øya Sidorova vart kalla opp etter den sibirske handelsmannen og gullgruveeigaren Mikhail K. Sidorov (1823-1887), som hadde ein visjon om å utvikla handel langs Nordaustpassasjen.[3]
Kjelder
endre- ↑ On sea Ice conditions near the Arkticheskiy Institut Islands
- ↑ Nature Reserve Arkivert 2007-10-08 ved Wayback Machine.
- ↑ «Mikhail K. Sidorov». Arkivert frå originalen 21. august 2007. Henta 11. juni 2008.
- Denne artikkelen bygger på «Arkticheskiy Institut Islands» frå Wikipedia på engelsk, den 14. juli 2008.
- Wikipedia på engelsk oppgav desse kjeldene:
- William Barr, Reinhard Krause og Peter-Michael Pawlik, The polar voyages of Captain Eduard Dallmann, whaler, trader, explorer 1830–96.
- Havis nær Arktitsjeskij Institut-øyane[daud lenkje]
- Naturreservatet Arkivert 2007-10-08 ved Wayback Machine.
- Wikipedia på engelsk oppgav desse kjeldene: