Arnold Mühren
Arnold Johannes Hyacinthus Mühren (fødd 2. juni 1951) er ein nederlandsk tidlegare fotballspelar som vart europameister 1988 for Nederland og vann UEFA-cupen 1981 med Ipswich Town og cupvinnarcupen 1987 med Ajax.
 | |||
| Personleg informasjon | |||
|---|---|---|---|
| Fullt namn | Arnold Johannes Hyacinthus Mühren | ||
| Fødselsdato | 2. juni 1951 (73 år) | ||
| Fødestad | Volendam i Nederland | ||
| Posisjon | Midtbanespelar | ||
| Seniorkarriere* | |||
| År | Lag | Kampar | (Mål) |
| 1970-1971 | Volendam | 26 | (2) |
| 1971-1974 | Ajax | 62 | (16) |
| 1974-1978 | Twente | 108 | (39) |
| 1978-1982 | Ipswich | 161 | (21) |
| 1982-1985 | Manchester United | 70 | (13) |
| 1985-1989 | Ajax | 99 | (14) |
| Totalt | 516 | (105) | |
| Landslag | |||
| 1978-1988 | Nederland | 23 | (2) |
| * Seniorklubbkampar og mål berre telt for nasjonal liga | |||
Klubbspel
endreEtter ein fin sesong i FC Volendam var Mühren knytt til storklubben Ajax i tida 1971-74, der den eldre broren Gerrie Mühren var fast på fyrstelaget. Sjølv fekk han lite speletid og gjekk i 1974 over til Twente, der han vart verande i fire sesongar og fekk sin fyrste meistertittel då laget frå Enschede vann den nasjonale cupfinalen 1977. I 1978 vart han overført til Ipswich Town i England for £150 000. Han var på plass då Ipswich vann UEFA-cupen våren 1981. Sesongane frå 1982 til 1985 gjorde han teneste i Manchester United, der han skåra eitt mål i finalen i FA-cupen 1983. Siste sesongen i United var han ute av fyrste-ellevaren, gjekk så tilbake til Ajax sommaren 1985. Med Ajax Amsterdam vann han den nederlandske cupen i 1986, så vel som i 1987. Høgdepunktet med Ajax var likevel triumfen i cupvinnarcupen 1987.
Landslagsspel
endre
Mühren deltok i perioden 1978-88 i 23 av Nederland sine fotballandskampar og skåra tre mål. Han fekk sin landslagsdebut i Tunis, men møtte vente tre år på sin neste landskamp. I 1981 spelte han fem kampar og skåra to mål i den for Nederland mislukka VM-kvalifiseringa. Etter fire-og-eit-halvt år utanfor landslaget spelte han sine 15 siste landskampar over ein periode på 18 månader i tida fram til EM-finalen 1988. Han høyrde til fyrste-ellevaren i alle fem EM-kampane, finalen som enda med siger 2-0 over Sovjetunionen vart han siste i landslagstrøya.
Merittar
endre- Europameister: 1988 for Nederland
- Vinnar av UEFA-cupen: 1981 med Ipswich
- Vinnar av Cupvinnarcupen: 1987 med Ajax
- Nederlandsk cupmeister: 1977 med Twente og 1986, 1987 med Ajax
- Vinnar av FA-cupen: 1983 med Manchester United
- Finalist i den engelske ligacupen: 1983 med Manchester United
Kjelder
endre- Denne artikkelen bygger på «Arnold Mühren» frå Wikipedia på engelsk, den 1. september 2018.
- eu-football Arkivert 2018-09-01 ved Wayback Machine.