Asgaut Olsson Regelstad
Asgaut Olsen Regelstad (1761–8. januar 1847) var ein gardbrukar og eidsvollsmann frå Finnøy i Rogaland.
| Asgaut Olsson Regelstad | |
 | |
| Statsborgarskap | Noreg |
| Fødd | 1761 Finnøy |
| Død | |
| Yrke | bonde, politikar |
| Språk | norsk |
| Asgaut Olsson Regelstad på Commons | |
Regelstad var fødd i Finnøy. Han vart gardbrukar av Reilstad etter far sin. 1816-23 var han lensmann i Finnøy, og prestens medhjelpar. Han var òg i forlikskommisjonen, skulekommisjonen og fattigkommisjonen.
I 1814 var Regelstad utsending frå Stavanger amt til riksforsamlinga på Eidsvoll saman med Lars Andreas Oftedahl og Christen Mølbach. Han var lite aktiv i forhandlingane, med unnatak for odelsspørsmålet. Han var mellom dei som ville lovfeste odelsretten, dessutan støtta han eit forslag om å selje kyrkjegodset (det benefiserte gods). Truleg høyrde han til unionspartiet, men stemte ikkje saman med dei i alle saker.[2][1]
Han døydde på garden sin i 1847. Garden finst framleis, men berre eit stabbur frå 1740-åra er att frå den tida Regelstad budde her.[1]
Kjelder
endre- Bjørkvik, Halvard: Finnøy gard og ætt I, 1993
- Tallak Lindstøl: Stortinget og Statsraadet 1814-1914. Kristiania, 1914
- ↑ 1,0 1,1 1,2 Hans Eyvind Næss (2014). «Asgaut Olsen Regelstad og Reilstad gård på Finnøy». I Jørn Holme. De kom fra alle kanter. Eidsvollsmennene og deres hus. Oslo: Cappelen Damm. s. 363—364. ISBN 978-82-02-44564-5.
- ↑ «Asgaut Olsen Regelstad (1761-1847)». Eidsvoll 1814. Henta 28. juni 2015.
- Biografisk informasjon om Asgaut Olsson Regelstad NSD Norsk senter for forskningsdatas politikararkiv