Augusta Abrahamsen
Augusta Abrahamsen (fødd 18. desember 1861 i Valle, død 24. juli 1959)[1][2] var ein norsk forfattar, godtemplar og kvinnesakskvinne.
| Augusta Abrahamsen | |
| Pseudonym | Augusta |
| Nasjonalitet | Norsk |
| Statsborgarskap | Noreg |
| Fødd | 18. desember 1861 i Valle |
| Død | |
| Yrke | Forfattar |
| Politisk parti | Avholdspartiet |
| Ektefelle | Lars Kristian Abrahamsen |
Jentenamnet hennar var Augusta Falkenberg og ho var dotter til prost Magnus Falkenberg og kona Bolette Margrethe, fødd Søeberg.[2] Familien flytte frå Valle til Flekkefjord då Augusta var to år gamal, og ho voks opp i den vesle kystbyen.[2] Seinare flytte dei til Larvik og ho tok der middelskuleeksamen i 1880.[3] I 1891 gifte ho seg med sakføraren Lars Kristian Abrahamsen.[2] Han vart politikar for Venstre og sat fleire periodar på Stortinget og var også statsråd. Begge var aktive i fråhaldsrørsla og ho var ein leiar i Larvik i arbeidet for stemmerett for kvinner.[4]
Augusta Abrahamsen byrja tidleg å skrive. Ho hadde stykke på prent i ulike blad og aviser, men ho skreiv då ikkje under fullt namn, berre Augusta.[2] Fyrste boka ho fekk gjeve ut kom på svensk i 1894, Storskrytaren och andra berättelser för barn. Det var ei samling forteljingar tidlegare prenta i ulike blad.[2] Den fyrste norske bokutgjevinga hennar kom i 1901 og heitte 8 barnefortællinger.
Bøker endre
- 1894 – Storskrytaren och andra berättelser för barn – Forteljingar for born
- 1901 – 8 barnefortællinger – Forteljingar for born
- 1908 – Radikalerens hustru ; Mammon ; Faderløs ; Henrik – Forteljingar
- 1912 – Den lille tyske musikant : og andre barnefortællinger – Forteljingar for barn
- 1939 – For lenge, lenge siden : fortellinger fra mors og bestemors tid – Forteljingar i utval ved Idar Handagard
Referansar endre
- ↑ ««Gravminner i Norge»». DIS Norge. Henta 8. mars 2013.
- ↑ 2,0 2,1 2,2 2,3 2,4 2,5 Idar Handagard (1915). «Augusta Abrahamsen». Fem folkedigtere : John Dahl, Ole Sneve, Waldemar Ager, Augusta Abrahamsen, Mauritz Sterner. Trondheim: I.O.G.T.s Norske forlag. s. 107-120.
- ↑ Nanna With, red. (1920). «Abrahamsen, Augusta». Illustrert biografisk leksikon over kjendte norske mænd og kvinder («Folkeutgave» utg.). Kristiania: With & Co. Forlag. s. 22-23.
- ↑ Helene Langsether (5. juli 2008). ««Et skammelig krav»». forskning.no. Henta 8. mars 2013.
Bakgrunnsstoff endre
- Idar Handagard (1915). «Augusta Abrahamsen». Fem folkedigtere : John Dahl, Ole Sneve, Waldemar Ager, Augusta Abrahamsen, Mauritz Sterner. Trondheim: I.O.G.T.s Norske forlag. s. 107-120.
- Bøker av Augusta Abrahamsen digitalisert hjå Nasjonalbiblioteket
- Utgjevingar av Augusta Abrahamsen i BIBSYS Ask[daud lenkje]
- Utgjevingar av Augusta Abrahamsen i Biblioteksøk