Baffinbukta
Baffinbukta er havområdet mellom den nordvestlege delen av Grønland og dei arktiske øyane i det austlege Canada. Den 70. breiddgraden er sett som grense mot Davissundet i sør. Mot nord vert Baffinbukta innsnevra til det smale Naressundet mellom Nordvest-Grønland og Ellesmereøya. Baffinbukta er opptil 2 905 meter djup, om lag midt mellom Diskoøya og Kapp Raper på Baffinøya. I norddelen, ved innløpet til Smithsundet, er eit 50 000 km² stort polynja, eit havstykke der det heile året er ope hav.
| Baffinbukta | |||
| bukt | |||
 | |||
| Land |  Grønland,  Canada
| ||
|---|---|---|---|
| Del av | Polhavet | ||
 Baffinbukta 74°00′05″N 67°59′47″W / 74.00135°N 67.996419444444°W | |||
 Kart som viser Baffinbukta.
| |||
| Wikimedia Commons: Baffin Bay | |||
Labradorstraumen er ein arktisk havstraum som går mot sør frå Baffinbukta og langs kystane av Newfoundland og Labrador, og som lengre sør dreiar mot aust og går i hop med Golfstraumen. Vestis er den lokale nemninga for havis danna i Baffinbukta og Davissundet, vest for Grønland.
På 1800-talet var Baffinbukta eit viktig område for kvalfangst, særleg av grønlandskval og narkval. Åra 1903-06 lukkast polarforskaren Roald Amundsen å sigle den lange vegen frå Baffinbukta til Alaska med «Gjøa»; han og mannskapet hans vart dermed dei fyrste som sigla gjennom heile Nordvestpassasjen.
Baffinbukta har namn etter den engelske sjøfararen William Baffin, som i 1616 sigla opp langs vestkysten av Grønland.
Kjelder
endre- Denne artikkelen bygger på «Baffinbugten» frå Wikipedia på dansk, den 30. juli 2013.