Grønlandskval
Grønlandskval (Balaena mysticetus) er ein bardekval i rettkvalfamilien. Kvalen finst berre i arktiske og subarktiske strøk. Han lever mykje av livet sitt i og ved pakkisen, og fylgjer iskanten sørover om vinteren. Arten har vore rekna som truga på verdsbasis etter kvalfangst, som tok til i Nordatlanteren rundt 1600. Den internasjonale kvalfangstkommisjonen freda arten heilt frå kommisjonen vart stifta i 1946. Bestanden i havområda rundt Beringstredet er no truleg tilbake på nivået han var før kvalfangsten begynte. Grønlandskval er difor ikkje lenger rekna som ein utrydningstruga art på verdsbasis. Det vert drive avgrensa fangst på grønlandskval av urfolksgrupper i Tsjukotka i Russland, i USA og i Canada.[1] Bestanden i havområda rundt Svalbard, mellom Grønland og Frans Josefs land, er derimot framleis kritisk truga. Det finst her truleg mindre enn 50 reproduserande individ. Det er anslått at den opphavlege bestanden, før 1600, var over 50 000 individ.[2]
| Grønlandskval | |
 Grønlandskval | |
| Utbreiing og status | |
Status i verda:  LivskraftigStatus i Noreg:  Sterkt truga Utbreiinga av grønlandskval | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Pattedyr Mammalia |
| Orden: | Klauvdyr Artiodactyla |
| Familie: | Rettkvalfamilien Balaenidae |
| Slekt: | Balaena |
| Art: | Grønlandskval B. mysticetus |
| Vitskapleg namn | |
| Balaena mysticetus | |
Biokjemiske metodar for aldersfastsetjing tyder på at individ av grønlandskval kan bli over 100 år gamle. Dette er i så fall ein av dei høgste levealdrane som er kjent hjå pattedyr.[1]
Fotnotar
endre- ↑ 1,0 1,1 The IUCN Red List of Threatened Species på engelsk
- ↑ Eldegard K, Syvertsen PO, Bjørge A, Kovacs K, Støen O-G og van der Kooij J (24.11.2021). Pattedyr: Vurdering av grønlandshval Balaena mysticetus for Norge. Norsk rødliste for arter 2021. Artsdatabanken.
