Baicheng

Baicheng (kinesisk skrift 白城, pinyin Báichéng) er eit byprefektur i provinsen Jilin i Kina. Prefekturet har eit areal på 25 683 km², folketalet er sist berekna til 2,03 millionar. Baicheng grensar til provinsane Indre Mongolia i vest og nord, og til Heilongjiang i nordaust og aust.

Byprefekturet Baicheng omfattar eitt distrikt (区 qū), to byfylke (市 shì) og to fylke (县 xiàn).

Historie

Dagens Baicheng var busett av ulike nomadiske stammer fram til 1800-talet. Frå då støtta Qing-dynastiet innvandring av han-kinesarar, men jordbruk var forbode fram til 1902. Området vart viktigare då jarnvegen mellom Qiqihar og Siping vart lagt gjennom Baicheng. To nye jarnvegar vart bygt i 1930-åra, noko som gjorde Baicheng til eit nav i samferdsla.

Næring

Tekstilindustrien er ein berebjelke i økonomien. Landbruket er konsentrert om soyabønner, oljevekstar og om saueavl.

Samferdsle

Riksveg 302 i Kina fører gjennom området. Han går frå Hunchun i provinsen Jilin til Ulanhot i Indre Mongolia.

Kjelder

Denne artikkelen bygger på «Baicheng» frå Wikipedia på bokmål, den 28. april 2012.
Denne artikkelen bygger på «Baicheng» frå Wikipedia på engelsk, den 28. april 2012.