Bernt Grønvold
Bernt Borchgrevink Grønvold (fødd 1859 i Bergen, daud 7. november 1923 i Berlin)[1] var ein norsk kunstnar. Han var bror av målaren Marcus Grønvold og skulemannen og forfattaren Didrik Grønvold.[2]
| Bernt Grønvold | |
 | |
| Statsborgarskap | Noreg |
| Fødd | 10. september 1859 Bergen |
| Død |
7. november 1923 (64 år) |
| Yrke | kunstmålar, kunstsamlar |
| Far | Christian August Grønvold |
| Ektefelle | Minka Grønvold |
| Bernt Grønvold på Commons | |
Grønvold dreiv både med sjanger-, portrett- og landskapsmåleri. Han var elev av Ludwig von Löfftz på akademiet i München i 1878 var Grønvold året etter av Wilhelm Lindenschmit. Frå 1883 virka han i Berlin, i 1887 var han i Paris, og i åra 1887–88 var han i Cornwall. Deretter budde han i Noreg fram til 1894. Han budde seinare i Bolzano og Berlin.[2]
Bernt Grønvold var også ein kunstsamlar og mesen. Han dreiv omfattande kunstforsking, særleg innan tysk kunsthistorie. Han henta fleire eldre tyske kunstnarar fram att.I 1896 gav han ut Friedrich Wasmann; ein deutsches Künstlerleben von ihm selbst geschildert.[2]
Det finst måleri av Grønvold i KODE Kunstmuseer og komponisthjem i Bergen, Nasjonalmuseet/Nasjonalgalleriet i Oslo og Ateneum i Finland.
Kjelder
endre- ↑ Svenska Dagbladets årsbok 1923
- ↑ 2,0 2,1 2,2 «Bernt Grønvold». Store norske leksikon. 21. oktober 2016.
- Denne artikkelen bygger på «Bernt Grønvold» frå Wikipedia på svensk, den 17. februar 2018.
- Wikipedia på svensk oppgav desse kjeldene:
- Svensk uppslagsbok Malmö, 1932.