Betula glandulosa

Betula glandulosa
Betula glandulosa
Betula glandulosa
Status
Status i verda: LC Livskraftig
Systematikk
Rike: Planteriket Plantae
Rekkje: Karplantar Tracheophyta
Underrekkje: Frøplantar Spermatophytes
Orden: Bøkeordenen Fagales
Familie: Bjørkefamilien Betulaceae
Underfamilie: Betuloideae
Slekt: Bjørk Betula
Art: B. glandulosa
Vitskapleg namn
Betula glandulosa

Betula glandulosa er ein art frå bjørkeslekta som stammar frå Nord-Amerika. Han er kjend på engelsk som American dwarf birch, resin birch og shrub birch.

Treet veks som ein busk med fleire stammar. Det når typisk høgder på 1–3 meter, og dannar ofte tette kratt. Stammane er slanke, sjeldan over 5–10 cm i diameter, med glatt, mørkebrun bork. Lauvet er nesten sirkelrundt eller ovalt, 0,5–3 cm langt og 1-2,5 cm breitt, med taggete kantar. Fruktene er opprette, 1-2,5 cm lange og 5–12 mm breie.

B. glandulosa er nært i slekt med dvergbjørk (Betula nana), og blir av og til rekna som ein underart av denne, som B. nana subsp. glandulosa. Planten skil seg frå typiske B. nana gjennom kjertelvorter på skota og lengre bladstilkar. Han kan danna hybridar med fleire andre bjørkeartar.[1]

Utbreiing og habitat endre

 
Betula glandulosa fotografert ved Chepeta Lake i Uintah i Utah.

Planten veks i arktiske og kjølige tempererte område frå Alaska austover til Newfoundland og sørlege Grønland, i høgtliggande område i Nord-California, Colorado og Black Hills i Sør-Dakota i vest,[2] og spreidd sør til nordlege New York stat i aust. I Arktis finst han ned til havnivå, medan han sør i utbreiingsområdet veks så høgt som 3 400 meter (11 200 ft) over havet.

Planten trivst i fuktige område som myr, muskeg og andre vætehaldige og næringsfattige jordsmonn. Ein kan også finna han på ei rekkje andre vekststader, frå steinete subarktiske område til boreale skogar med djupe jordsmonn med mykje organisk innhald.[1] Treet er den vanlegaste buskveksten i det indre Alaska, der det dannar ei nær uavbroten sone mellom trelinja og den alpine tundraen.[1]

Økologi endre

Det finst mange artar som nyttar denne arten som næringskjelde, særleg hovdyr som hjort, rein og elg.[1] Bruke av han som matkjelde varierer avhengig av den spesifikke populasjonen. Elg i Alberta er til dømes kjend for å beita mykje på han, medan elg i Alaska er observert å eta han i lågare grad.[1] Bjørnar, små pattedyr, fuglar og insekt nyttar også busken som matkjelde.[1]

Dvergbjørka gjev skjul for ryper, og grizzlybjørn bruker ho mykje til å byggja hia sine.[1]

Arten kan også vera viktig for å kontrollera erosjon, og er blitt brukt til å stabilisera breiddene til vassfar.[1]

Kjelder endre

  1. 1,0 1,1 1,2 1,3 1,4 1,5 1,6 1,7 «Betula glandulosa». www.fs.fed.us. Henta 4. april 2019. 
  2. «Betula glandulosa». County-level distribution map from the North American Plant Atlas (NAPA) (Biota of North America Program (BONAP)). 2014. 

Bakgrunnsstoff endre