Boston maraton-bombinga

Boston maraton-bombinga fann stad 15. april 2013 då to bomber eksploderte under Boston maraton i Boston i USA. Tre menneske døydde, medan 183 vart skadd.[1] Ei av bombene var ein trykkokar som var plassert i nærleiken av målstreken ved Boylston Street.[2] Dei vart detonert 14.49 EDT med eit mellomrom på 13 sekund. Det vart ikkje gjeve noka åtvaring før bombene vart detonert, og ingen hevda at dei stod bak. Federal Bureau of Investigation (FBI), som leia etterforskinga, sende ut bilete av to mistenkte i media. Om natta 18. april og morgonen 19. april var politiet involvert i ei skotveksling og deretter ei jakt på dei to mistenkte. Éin politimann vart drepen og éin vart hardt skadd. Den eine av dei to mistenkte, 26 år gamle Tamerlan Tsarnaev, døydde seinare på sjukehus av skadar.[3] Den andre, den 19 år gamle yngre broren Dzjokhar Tsarnaev, blei teken hand om av politiet og send til sjukehus etter ein lengre leiteaksjon.[4]

Boston maraton-bombinga

Stad Bombing: Boylston Street i Boston i Massachusetts i USA
Skyting:Massachusetts Institute of Technology i Cambridge i Massachusetts i USA
Menneskejakt: Watertown i Massachusetts i USA
Dato Bombing: 15. april 2013, 14.49 EDT
Skyting og menneskejakt: 18. april 2013, 22.48 EDT–19. april 2013, 20.42 EDT
Mål Boston Marathon
Angrepsmetode Bombing, terrorisme og skyting
Våpen Skytevåpen og heimelaga bomber
Døde 5 totalt
  • 3 sivile frå bombinga 15. april
  • 1 politimann frå skytinga 18. april
  • 1 mistenkt frå skotvekslinga 19. april
Skadde 185 totalt
  • 183 sivile frå bombinga 15. april
  • 1 politimann frå skotvekslinga 18. april
  • 1 mistenkt frå skotvekslinga 19. april
Mistenkt Tamerlan Tsarnaev (død)
Dzjokhar Tsarnaev (i varetekt)

Bombinga endre

Boston maraton vart som vanleg stelt til på Patriots' Day, og starten gjekk utan teikn eller varsel om noko gale i emning.[5] Tenestemenn gjennomsøkte område to gonger før eksplosjonane; den andre gongen berre éin time før den fyrste bomba gjekk av. Ein kunne gå fritt inn på området og ein kunne òg ta med det ein måtte ynskje.[6]

Klokka 14.49 EDT vart to bomber detonerte på Boylston Street nær Copley Square om lag 170 meter frå kvarande, like før mållinja.[5][7][8] Den fyrste eksploderte utanfor butikken Marathon Sports på 671-673 Boylston Street klokka 14.49,43 EDT; den andre, eit kvartal lenger vest på 755 Boylston Street klokka 14.49,57 EDT.[9][10][11]

Døde og skadde endre

Tre menneske vart drepne og 183 vart skadde under åtaka. Ei rekkje av dei skadde hadde alvorlege skadar og trong intensivbehandling.[12]

Dødsfall endre

Tre tilskodarar vart drepne i bombeangrepet: Den 29 år gamle restaurantsjefen Krystle Campbell frå Medford i Massachusetts, den 23 år gamle kinesiske statsborgaren og studenten Lü Lingzi frå Shenyang i Kina og den åtte år gamle Martin Richard frå Boston.[13][14][15][16]

Den 26 år gamle politimannen Sean Collier vart skoten og drepen tre dagar seinare då han vart overfallen av dei mistenkte.[17]

Kjelder endre

Fotnotar endre

  1. Straw, Joseph ‘Joe’; Ford, Bev; McShane, Lawrence ‘Larry’ (April 17, 2013). «Boston Marathon bombing investigators searching photos, videos for clues». The Daily News. Henta April 17, 2013. 
  2. CNN Staff (April 19, 2013). «What we know about the Boston bombing and its aftermath». CNN. Henta April 19, 2013. 
  3. ««Jeg har ikke en eneste amerikansk venn - jeg forstår dem ikke»» (på norsk). Dagbladet. 19. april 2013. Henta 19. april 2013. 
  4. «Her ligger den terrormistenkte i båten». NRK.no. Henta 21. april 2013. 
  5. 5,0 5,1 Levs, Josh; Plott, Monte (April 16, 2013). «Terrorism strikes Boston Marathon as bombs kill 3, wound scores». CNN. Henta 20. april 2013. 
  6. «Police: Bomb Sweep One Hour Before Attack». The New York Times. April 16, 2013. Henta 20. april 2013. 
  7. «How far apart were the two Boston marathon bombing sites?». April 17, 2013. Henta 20. april 2013. 
  8. «Site of the Explosions at the Boston Marathon». April 15, 2013. Henta 20. april 2013. 
  9. Abel, David; Silva, Steve; Finucane, Martin (April 15, 2013). «Explosions rock Boston Marathon finish line; dozens injured». The Boston Globe (online utg.). Henta 20. april 2013. 
  10. «Investigators recover circuit board believed used to detonate Boston Marathon blasts». The Boston Globe (online utg.). April 16, 2013. Henta 20. april 2013. 
  11. McClam, Erin (April 15, 2013). «Explosions rock finish of Boston Marathon; 2 killed and at least 23 hurt, police say». News (NBC). Henta 20. april 2013. 
  12. Kolata, Gina; Jeré Longman; Mary Pilon (17. april 2013). «Physical Legacy of Bomb Blasts Could Be Cruel for Boston Marathon Victims». The New York Times. Henta 20. april 2013. 
  13. Lavidor-Berman, Adrienne (April 16, 2013). «Bombings at the Boston Marathon». The Boston Globe. Henta 20. april 2013. 
  14. Buckley, Chris (April 17, 2013). «China Mourns the Death of a Student in Boston Blast». The New York Times. Henta 20. april 2013.  A bilingual English-Chinese version Arkivert 2013-04-22 ved Wayback Machine. is available.
  15. «Memorial honors Boston victims». News (photo gallery). Yahoo!. 20. april 2011. Henta 20. april 2013. 
  16. Fantz, Ashley (17. april 2013). «Death of terror's tiniest victim called 'surreal,' 'tragic'». CNN. Henta 20. april 2013. 
  17. «‘He loved us, and we loved him’». MIT News Office. 19. april 2013. Arkivert frå originalen 19. april 2013. Henta 20. april 2013.