Braccianosjøen

Braccianosjøen er ein liten kratersjø i Lazio i Italia, om lag 32 km nordvest for Roma. Han har eit areal på 56,76 km² og er den nest største innsjøen i regionen (etter Bolsenasjøen) og ein av dei store innsjøane i Italia. Innsjøen er sirkelforma og har ein omkrins på om lag 32 km og vassflata ligg 160 meter over havet. På det djupaste er Braccianosjøen 165 meter djup.

Braccianosjøen
innsjø
Land	Italia
Innsjøtype	Kratersjø
Utløp	Arrone
Nedslagsfelt	150 km²
Høgd over havet	160 moh.
Areal	56,76 km²
Største djupn	165 m
Kystlengd1	32 km
Koordinatar	42°07′16″N 12°13′55″E
Byar	Bracciano, Anguillara Sabazia, Trevignano Romano
Braccianosjøen 42.121111111111°N 12.231944444444°E / 42.121111111111; 12.231944444444
Wikimedia Commons: Lake Bracciano
1 Kystlengd er eit unøyaktig mål som kanskje ikkje er standardisert for denne artikkelen.

Innsjøen har sitt opphav i samband med intens vulkansk aktivitet frå 600 000 til 40 000 år sidan, som danna mange små vulkanar i området Sabatino. Hovudmagmakammeret låg under Braccianosjøen og då dette kollapsa danna det kalderaen som innsjøen i dag utgjer. Nokre små krater er framleis synleg rundt innsjøen og like i nærleiken.

Tre byar ligg langs innsjøen, Bracciano, Anguillara Sabazia og Trevignano Romano.

Innsjøen er ein viktig turistattraksjon nær Roma. Sidan han fungerer som drikkevasskjelde for Roma har han vore kontrollert sidan 1986 for å unngå forureining. Det er strengt forbode med motorisert ferdsel på innsjøen (bortsett frå enkelte fiskarar og styresmaktene) og det er bygd eit sentralisert kloakksystem for byane ved innsjøen slik at vatnet ikkje vert råka av kloakkutslepp. Dermed er Braccianosjøen ein av dei reinaste innsjøane i Italia. Det er lov å symje i innsjøen og drive anna vassport som ikkje krev motor. Det er derimot ein parasittisk flatorm i innsjøen som kan gje badande kløe.

Dei siste åra har innsjøen og området rundt vorte vidare verna som del av ein naturpark kalla Parco Regionale del complesso lacuale di Bracciano Martignano.

Kjelder

• Denne artikkelen bygger på «Lake Bracciano» frå Wikipedia på engelsk, den 6. november 2007.