Brian Connolly

Brian Francis Connolly (5. oktober 1945–9. februar 1997) var ein skotsk songar-låtskrivar, musikar og skodespelar, mest kjend som frontmann og songar i glamrockbandet The Sweet mellom 1968 og 1979.

Brian Connolly
Fødd	5. oktober 1945(1945-10-05)
Fødestad	Govanhill i Glasgow i Skottland
Død	9. eller 10. februar 1997 (51 år)
Dødsstad	Slough i England
Fødenamn	Brian Francis Connolly
Opphav	Harefield i England
Aktiv	1963–1997
Sjanger	Glamrock, hardrock, tyggegummipop, countryrock
Instrument	bass, gitar, tangentinstrument, vokal
Stemmetype	tenor
Tilknytte artistar	The Sweet
Plateselskap	Polydor, Carrere, RCA
Verka som	Musikar, songar-låtskrivar, skodespelar

Connolly song i Sweet frå bandet vart skipa. I 1974 vart han hardt skadd i ein slosskamp på ein nattklubb i Staines og skadde halsen så pass at han ikkje kunne syngje på ei stund og permanent mista noko av rekkjevidda i røysta si. Connolly sleit òg med alkoholisme i midten av 1970-åra, og i 1979 vart han kasta ut av bandet.

I 1980-åra starta Connolly opp sin eigen variant av The Sweet, som han hadde fram til han døydde i 1997. Han gav òg ut soloalbum.

Diskografi

Med Sweet

For meir om dette emnet, sjå diskografien til Sweet.

Som Brian Connolly

Singlar

• «Take Away the Music» med «Alabama Man» (1980) – Polydor Records
• «Don't You Know a Lady» med «Phone You»(1980) – Polydor Records
• «Hypnotized» med «Fade Away» (1982) – Carrere Records, RCA Records

Album

• Brian Connolly and The Sweet – Greatest Hits (1986) – nyinnspelingar av Sweet-singlar – Success Records
• Let's Go (1995) – nyinnspelingar av Sweet-songar og tre nye songar – Bam Records
• Take Away the Music (2004) – samleplate med solosinglar og demoar – Malibu Records

Deltek på

• Closed (belgisk psykedelisk band) – vokal på «My Little Girl From Kentucky» og «Spider»
• «Remember December» av Paper Dolls – korvokal (1970)

Kjelder

• Denne artikkelen bygger på «Brian Connolly» frå Wikipedia på engelsk, den 1. oktober 2021.
  • Wikipedia på engelsk oppgav desse kjeldene: