Brunryggmaursmett
Brunryggmaursmett, Epinecrophylla fjeldsaai, er ein liten fugl i maurfuglfamilien. Denne arten lever i tropisk, fuktig skog, under 450 moh. i austlege Ecuador og i ved øvre Napo i Loreto-regionen, Peru. Han er vanleg i Yasuní nasjonalpark, Ecuador. Brunryggmaursmett er ein nyleg skildra og lite kjent art som er vanskeleg å skilje frå andre artar i same slekta. Han vart først plassert i slekta Myrmotherula, seinare sett inn i Epinecrophylla.
| Brunryggmaursmett | |
| Utbreiing | |
 Utbreiinga av Brunryggmaursmett | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Maurfuglar Thamnophilidae |
| Slekt: | Epinecrophylla |
| Art: | Brunryggmaursmett E. fjeldsaai |
| Vitskapleg namn | |
| Epinecrophylla fjeldsaai | |
Brunryggmaursmett er ca. 11 cm i lengd, kjønna er ulike i fjørdrakta: hannfuglen har brun overside, underside og andlet er gråleg, strupen svart og kvitflekkete. Fjørdrakta åt hofuglen har overside som hannen, men undersida er lys brun, strupen er lysare, nesten kvit, med svarte streker. Songen er kraftig, høgfrekvent.
Denne arten beitar i fleirartsflokkar, lågt i underskog.
Kjelder
endre- Schulenberg, T., Stotz, D. Lane, D., O'Neill, J, & Parker, T. Birds of Peru. Christopher Helm, London. (2007) ISBN 978-0-7136-8673-9
- Ridgeley, Robert S. Paul J. Greenfield, The Birds of Ecuador vol II, Christopher Helm London (2001) ISBN 0-7136-6117-8
- BirdLife International (2014) Species factsheet: Epinecrophylla fjeldsaai Arkivert 2014-08-21 ved Wayback Machine.. Henta frå http://www.birdlife.org den 20. august 2014.
Bakgrunnsstoff
endre- Videoar av brunryggmaursmett hos Internet Bird Collection