Bu Xiangzhi
Bu Xiangzhi[1] (fødd 10. desember 1985) i Qingdao er ein kinesisk stormeister i sjakk, og eit tidlegare sjakk-vedunderbarn. I 1999 kvalifiserte han seg for stormeister-tittelen i ein alder av berre 13 år 10 månader og 13 dagar. Han vart dermed den til då yngste stormeisteren i sjakk i verda. Han vart den 10. kinesiske sjakkspelaren som klarte stormeister-tittelen. I april 2008 vart Bu og Ni Hua den andre og tredje kinesiske sjakkspelaren som klarte å kome over 2700 i FIDE-rating, etter Wang Yue.
| Bu Xiangzhi | |
|
| |
| Statsborgarskap | Folkerepublikken Kina |
| Fødd | 10. desember 1985 (39 år) Qingdao |
| Idrett | sjakk |
| Tok del i | Asialeikene 2006, Asialekene 2010, Sjakk-OL 2002, Sjakk-OL 2004, Sjakkolympiaden 2006, Sjakk-OL 2008, Sjakk-OL 2010, Sjakk-OL 2012, Sjakkolympiaden 2018 |
Karriere
endreTidlege år
endreEit eldre søskenbarn lærte Bu å spele sjakk då han var seks år. Bestefaren hans var ein sterk xiangqi-spelar. Bu vart meir interessert i spelet då Xie Jun frå Kina vann Verdsmeisterskapen i sjakk for kvinner i 1991.[2] Han begynte å ta sjakk alvorleg då han var ni år, og hadde trenar frå då. Han hadde rask framgang, og i 1997 vann han ei nasjonal turnering. I 1998, då han var 12 år, vann han ein kinesisk meisterskap for skuleelevar, og same året vann han verdsmeisterskapen i sjakk for ungdom, klassa for under 14 år.
Yngste stormeister i verda
endreEin sponsoravtale med eit firma i heimbyen Qingdao gjorde det mogleg for Bu og trenaren Ji Yunqi å reise til Europa for å ta del i fleire internasjonale sjakkturneringar. Hausten 1999 klarte han på berre to månader dei nødvendige tre innteikningane i stormeistertittelen. Han vann turneringa 21–29. september i Paks, kategori 10, med 6 av 9 moglege og deretter 3–13. oktober vann han Kluger Memorial Budapest First Saturday, kategori 7, med 8,5 av 11 moglege. Han fekk så delt førsteplass 18–23. oktober i Qingdao Daily Cup, med 6 av 8 moglege.[3] Han var som nemnt tidlegare berre 13 år 10 månader og 13 dagar gammal då han sikra seg den tredje og avgjerande stormeisternorma, og blei dermed den yngste stormeisteren i sjakk til då. Han var den yngste stormeisteren i sjakk fram til juli 2002, då Sergej Karjakin vart stormeister berre 12 år og 7 månader gammal.
Seinare karriere
endre
Bu har vore ein aktiv deltakar i sjakkturneringar rundt om i verda, og gjort mange gode prestasjonar.
I november 2004 vann han den kinesiske meisterskapen i sjakk i Lanzhou med 9 av 11 moglege.[4]
I oktober 2007 vann han ei stor turnering i blindsjakk i Bilbao med 1,5 poeng margin, framom svært sterke motstandarar som Veselin Topalov, Magnus Carlsen, Pentala Harikrishna, Judit Polgár og Sergej Karjakin.[5]
Lagkampar for Kina
endreBu har sidan 2001 vore med på det kinesiske landslaget i sjakk. Både i VM for landslag i 2005 i Beer Sheva,[6] og i det 37. sjakk-OL i 2006 i Torino spelte han på første bord for Kina, med svært gode resultat. Kina vart nummer to i begge turneringane, og Bu fekk sølvmedalje for nest beste resultat på første bord. I sjakk-OL vann han fire parti, og spelte åtte remis, mot toppspelarar som Vladimir Kramnik, Viswanathan Anand og Levon Aronian.
Minneverdige parti
endre- Bu Xiangzhi - Krishnan Sasikiran, VI Ciudad de Dos Hermanas Internet 2005, Grünfeld-forsvaret: Avbyte-varianten, Nadanian-angrepetk (D85), 1-0
- Baadur Jobava - Bu Xiangzhi, 37. sjakk-OL 2006, slavisk forsvar: Kameleon-varianten, framstøyt-systemet (D15), 0-1
- Bu Xiangzhi - Judit Polgar, Biel Chess Festival 2007, engelsk opning, symmetrisk, firspringarvarianten (D41), 1-0
- Bu Xiangzhi - Veselin Topalov, M-Tel Masters 2008, dronningbondeparti, symmetrisk variant (D02), 1-0
Fotnotar
endre- ↑ kinesisk skrift 卜祥志, pinyin Bǔ Xiángzhì
- ↑ Bu Xiangzhi: I would bet on Topalov for victory in Sofia, arkivert frå originalen 14. juli 2011, henta 4. februar 2011
- ↑ Xiangzhi Bu, jüngster Großmeister der Geschichte, TeleSchach : Schach aktuell. Update 24.10.1999.
- ↑ http://www.fide.com/ratings/trarc.phtml?event16=30&codt=15
- ↑ chessbase.com
- ↑ OlimpBase :: World Men's Team Chess Championship :: Bu Xiangzhi
Bakgrunnsstoff
endre- NICBase Online Info at New In Chess
- Bu Xiangzhi at Sina Sports
- Rating data for player Bu, Xiangzhi
- Chessmetrics Ratings: Bu Xiangzhi
- Elo rating with world rankings and historical development since 1999 Arkivert 2015-09-23 ved Wayback Machine. (benoni.de/schach/elo) for Bu Xiangzhi
- Biography of Bu Xiangzhi Arkivert 2008-04-22 ved Wayback Machine., Corus Chess 2007.
- Bu Xiangzhi: I would bet on Topalov for victory in Sofia Arkivert 2011-07-14 ved Wayback Machine. (2008 Interview)
Kjelder
endre- Denne artikkelen bygger på «Bu Xiangzhi» frå Wikipedia på engelsk, den 4. februar 2011.