Carterton på New Zealand

Carterton er ein liten by i regionen Wellington på New Zealand og er sete for Carterton District. Han ligg i eit landbruksområde i Wairarapa sør på Nordøya på New Zealand. Byen ligg 14 km sørvest for Masterton og 80 km nordaust for Wellington. Innbyggjartalet var ved folketeljinga i 2006 var 4 122, i tillegg budde 2 976 menneske i det omkringliggjande rurale området.

Carterton
Styresmakter
Land Region	New Zealand Wellington
Grunnlagd	1857
Mayor	Gary McPhee
Geografi
Flatevidd  - District	1180 km²
Innbyggjarar  - District (2006)  - Byområde	7098 4122
Koordinatar	41°02′S 175°32′E
Høgd over havet	77 m
Diverse anna
Postnummer	5713, 5743, 5791, 5792
Telefon-retningsnummer	06
Heimeside: www.cartertondc.govt.nz

Carterton vart grunnlagd i 1857. Staden var frå først av kjend som Three Mile Bush, og gav husly til arbeidarar som bygde vegen mellom Wellington og Masterton. Seinare fekk byen namn etter Charles Rooking Carter. Byen omtalar seg sjølv som påskeliljehovudstaden på New Zealand, og arrangerer ein årleg påskeliljefestival den andre sundagen i september.

Kjennemerke

Den historiske jarnvegsstasjonen i Carterton.

Den historiske Carterton Railway Station ligg vest for bysentrum. Stasjonsbygningen er original, og vart bygd då jarnvegen opna i 1880, og har utført tenester for reisande heile tida sidan.

Biblioteket Carterton District library, er det eldste biblioteket som vart bygd til dette føremålet på New Zealand, og som enno er i bruk som bibliotek i dag.

Transport

Vegar

New Zealand State Highway 2, hovudvegen mellom Wellington og Masterton, går gjennom Carterton.

Carterton har bussruter som bind byen saman med Masterton, Greytown, Featherston og Martinborough.

Jarnveg

Carterton ligg ved Wairarapa Line som bind byen saman med Wellington.

Bakgrunnsstoff

• Carterton District Council - heimeside
• Om Carterton i Te Ara Encyclopedia of New Zealand

Referansar

• A. W. Reed (2002). The Reed Dictionary of New Zealand Place Names. Auckland: Reed Books. ISBN 0-7900-0761-4. 

• Denne artikkelen bygger på «Carterton på New Zealand» frå Wikipedia på engelsk, den 30. november 2009.