Christian Ziege
Christian Ziege (fødd 1. februar 1972) er ein tysk tidlegare fotballspelar frå Berlin. Venstrebacken vart europameister med Tyskland i 1996 og vann UEFA-cupen med Bayern München same året. Han vart dessutan seriemeister i Tyskland to gongar og ein gong i Italia.
 | |||
| Personleg informasjon | |||
|---|---|---|---|
| Fullt namn | Christian Ziege | ||
| Fødselsdato | 1. februar 1972 (52 år) | ||
| Fødestad | Vest-Berlin i Vest-Tyskland | ||
| Høgd | 188 cm | ||
| Posisjon | Forsvarsspelar | ||
| Seniorkarriere* | |||
| År | Lag | Kampar | (Mål) |
| 1990-1997 | Bayern München | 185 | (38) |
| 1997-1999 | Milan | 39 | (4) |
| 1999-2000 | Middlesbrough | 6 | (29) |
| 2000-2001 | Liverpool | 16 | (1) |
| 2001-2004 | Tottenham | 47 | (7) |
| 2004-2005 | Borussia M'gladbach | 13 | (0) |
| Totalt | 329 | (56) | |
| Landslag | |||
| 1993-2004 | Tyskland | 72 | (9) |
| * Seniorklubbkampar og mål berre telt for nasjonal liga | |||
Karriere
endreKlubbspel
endreZiege spelte på Bayern München i 1990–97. Med den tyske toppklubben vann han Bundesliga i 1994 og UEFA-cupen to år seinare. Sommaren 1997 vart han overført til AC Milan i Italia, og vart seriemeister med laget frå Milano i 1999. Deretter gjekk turen til engelsk klubbfotball og Middlesbrough FC 1999/2000, Liverpool FC 2000/01 og Tottenham Hotspur 2001–04. Med Liverpool FC var han med å vinne ligacupen 2001, men fekk elles lite speletid. Etter ein heller svak 2004/05-sesong i heimlege Borussia Mönchengladbach la han opp.
Landslagsspel
endreZiege fekk sin landslagsdebut i Washington D.C. 10. juni 1993, då Brasil og Tyskland spelte uavgjort 3-3. Han var ute av landslaget i heile 1994. To år seinare var han fast i fyrsteellevaren då Tyskland vann fotball-EM 1996 etter finalesiger 2-1 i London på «golden goal» mot Tsjekkia. Sidan deltok han fotball-VM 1998, EM i fotball 2000 og VM 2002. I VM-finalen 2002 i Yokohama, som enda med tysk 0-2 tap mot Brasil, var han innbytar. Etter den kampen aksla han den tyske landslagsdrakta ein einaste gong, då Tyskland i mai 2004 i Freiburg im Breisgau feia Malta av bana med 7-0. Dermed vart han ståande med 72 landskampar, og ni skåringar. Tre av måla kom elles i ein EM-kvalifiseringskamp mot Nord-Irland i september 1999, eit oppgjer som Tyskland vann 4-0.
Merittar
endre- Europameister: 1996 med Tyskland
- VM-sølv: 2002 med Tyskland
- Vinnar av UEFA-cupen: 1996 med Bayern München
- Tysk seriemeister: 1994 og 1997 med Bayern München
- Vinnar av Serie A: 1999 med AC Milan
- Ligacupvinnar i England: 2001 med Liverpool FC
Kjelder
endre- Denne artikkelen bygger på «Christian Ziege» frå Wikipedia på tysk, den 27. april 2017.