Den kambodsjansk-vietnamesiske krigen

Den kambodsjansk-vietnamesiske krigen var ein krig mellom Vietnam og Raude Khmer frå Vietnam invaderte Kambodsja den 25. desember 1978 (landet var okkupert 7. januar 1979) til Vietnam trekte seg ut i september 1989.

Den kambodsjansk-vietnamesiske krigen
Del av Den tredje indokinakrigen og Indokinakrigane
Kart over Kambodsja. Kartet viser leirane til antivietnamesiske opprørsgrupper under borgarkrigen i perioden 1979-84. Raude prikkar symboliserer Raude Khmer-leirar, blåe trekantar symboliserer FUNCINPEC-leirar]], og svarte firkantar symboliserar KPNLF-leirar.
Dato Mai 1975 eller 25. desember 1978 (omstridd) - 26. september 1989 Stad Kambodsja Krigsårsak Kambodsjanske grenseraid i Vietnam og etnisk reinsking av vietnamesarar i Kambodsja Resultat Vietnamesisk siger Raude Khmer-regimet vart styrta Den vietnamesiske og kambodsjanske hæren slo ned Raude Khmer-opprøret
Partar
Vietnam Folkerepublikken Kampuchea (frå 7. januar 1979) Støtta av: Laos Sovjetunionen Tsjekkoslovakia	Raude Khmer FUNCINPEC KPNLF Støtta av: Folkerepublikken Kina USA Thailand
Kommandantar
Le Duan Le Duc Anh Van Tien Dung Heng Samrin Hun Sen Meas Sophea	Pol Pot  # Khieu Samphan  # Norodom Sihanouk Son Sann
Styrkar
Vietnam: 200,000 soldatar Den kampucheanske hæren: 50,000 soldatar (1987)	Invasjonen i 1979: 73,000 Opprørsstyrkar under borgarkrigen: 30,000
Tap
Vietnam: 15,000 daude, 30,000 skadde Kambodsjanske soldatar: Ukjent	15,000 daude
Sivile tap: 25,000 - 200,000

Bakgrunnen for at Vietnam invaderte Kambodsja var fleire grenseraid frå Kambodsja og etnisk reinsking av vietnamesarar i Kambodsja.

Etter gjentekne grenseraid frå Kambodsja si side (under Raude Khmer) vart leiarane i landet innkalla til dialog. Kambodsja ignorerte dette, og fortsette som tidlegare.

I 1978 avslutta det heile med at Vietnam sa at om dette skjedde igjen, kom dei til å foreta ein invasjon med støtte frå Sovjetunionen. Då raida fortsette invaderte Vietnam Kambodsja, noko som igjen førte til at Kina angreip Vietnam og det braut ut borgarkrig i Kambodsja. Invasjonen vart sett på som ei frigjering av størsteparten av den kambodsjanske befolkninga, sidan det vart slutt på det brutale Raude Khmer-styret av landet. Raude Khmer gav seg ikkje, og dei fekk støtte frå nokre andre grupper. USA og Kina brukte vetorett mot å få den nye og demokratiske regjeringa til Heng Samrin inn i SN, og Den demokratiske koallisjonsregjeringa av Demokratisk Kampuchea, som bestod av Raude Khmer og nokre andre grupper som støtta dei, fekk representere Kambodsja i SN.

USA, Folkerepublikken Kina og Thailand støtta Raude Khmer-geriljaen finansielt. Sovjetunionen og Laos støtta Vietnam og den nye regjeringa i Kambodsja med militær hjelp.