Dictyostelium discoideum
Dictyostelium discoideum er ein sosial amøbe som lever i jorda, der han et bakteriar og gjærsoppar gjennom fagocytose. Han har vore nytta som ein modellorganisme sidan 1960-åra.[1]
| Dictyostelium discoideum | |
 Dictyostelium discoideum | |
| Systematikk | |
| Rekkje: | Amoebozoa |
| Klasse: | Dictyostelia |
| Orden: | Dictyosteliida |
| Familie: | Dictyosteliidae |
| Slekt: | Dictyostelium |
| Art: | D. discoideum |
| Vitskapleg namn | |
| Dictyostelium discoideum | |
D. discoideum har ei usamanhengande utbreiing. Amøben finst i Amerika, Japan, India–Pakistan og Nepal, men ikkje i Europa.[2]
Når individ av D. discoideum svelt går dei saman og dannar fruktlekamar sette saman av opp til 100 000 individ. Dei finn saman gjennom utslepp av cAMP og kjemotaksis.[3] D. discoideum har G-protein-kopla reseptorar i sellemembranen som gjer at dei kan føla cAMP-gradienten og gå mot høgre cAMP-konsentrasjon.[4] Tidleg i danninga av fruktlekamen vil individa differensiera seg til to hovudtypar av seller.[5]
D. discoideum fekk genomet sitt ferdig sekvensert i 2005. Det har ein storleik på kring 34 megabasepar fordelte på seks kromosom, og er rekna å ha over 13 000 sekvensar som kodar for protein. Mitokondria har eit genom på kring 55 kilobasepar.[6]
Kjelder
endre- ↑ Muñoz-Braceras, Sandra; Mesquita, Ana; Escalante, Ricardo (2013). «Dictyostelium discoideum as a Model in Biomedical Research». Dictyostelids. s. 1. ISBN 978-3-642-38486-8. doi:10.1007/978-3-642-38487-5_1.
- ↑ Cavender, James C (2013). «A Global Overview of Dictyostelid Ecology with Special Emphasis in North American Forest». Dictyostelids. s. 149. ISBN 978-3-642-38486-8. doi:10.1007/978-3-642-38487-5_8.
- ↑ Li, Si. I; Purugganan, Michael D (2011). «The cooperative amoeba: Dictyostelium as a model for social evolution». Trends in Genetics 27 (2): 48. PMID 21167620. doi:10.1016/j.tig.2010.11.003.
- ↑ Jowhar, Dawit; Janetopoulos, Chris (2013). «The Chemotactic Compass». Dictyostelids. s. 71. ISBN 978-3-642-38486-8. doi:10.1007/978-3-642-38487-5_4.
- ↑ Fukuzawa, Masashi (2011). «Control of prestalk-cell differentiation by transcription factors». Development, Growth & Differentiation 53 (4): 538. doi:10.1111/j.1440-169X.2011.01269.x.
- ↑ Glöckner, Gernot (2013). «Genome Analysis of Social Amoebae». Dictyostelids. s. 35. ISBN 978-3-642-38486-8. doi:10.1007/978-3-642-38487-5_2.
