Dorothy Shirley

Dorothy Ada Shirley (fødd 15. mai 1939) er ein britisk tidlegare høgdehoppar frå Manchester som vann EM-bronse i 1958 og OL-sølv i 1960.

Dorothy Shirley
Statsborgarskap	Storbritannia
Fødd	15. mai 1939 (85 år) Manchester
Idrett	friidrett
Tok del i	Sommar-OL 1960

Aktiv

Shirley hoppa over 1,67 meter då europameisterskapen 1958 vart avvikla i Stockholm, einast Romanias Iolanda Balaș og sovjetiske Taisija Tsjentsjik kom over henne. Under Sommar-OL 1960 i Roma tok tre utøvarar seg over 1,71 meter i fyrste forsøk. Av desse fekk Dorothy Shirley og polske Jarosława Jóźwiakowska kvar si sølvmedalje for prestasjonen, medan Iolanda Balaș ikkje stoppa før etter ho hadde gått over 1,85 meter.

I september 1962 vart Shirley nummer 4 ved EM i Beograd, med 1,67 meter enda ho seks centimeter under bronseplassen. Sju år seinare, i hennar fjerde og siste europameisterskap, hoppa ho livsbeste 1,74 meter, vart likevel ikkje betre enn nummer 11.

Medaljar og plasseringar i internasjonale meisterskap

• EM 1958 i Stockholm: Bronsemedalje – 1,67 m
• OL 1960 i Roma: Sølvmedalje – 1,71 m
• EM 1962 i Beograd: Nr 4 – 1,67 m
• EM 1966 i Budapest: Nr 8 – 1,65 m
• OL 1968 i Mexico-byen: Utslått i kvalifiseringa (1,68=nr 20)
• EM 1969 i Aten: Nr 11 – 1,74 m

Kjelder

• Denne artikkelen bygger på «Dorothy Shirley» frå Wikipedia på engelsk, den 13. juli 2022.