Dronning Elizabeth-øyane
Dronning Elizabeth-øyane (engelsk Queen Elizabeth Islands) er ei gruppe øyar aller lengst nord i Canada, mellom 74° og 83° N. Øygruppa er skilt frå Grønland av Naressundet, og frå dei kanadiske øyane Baffinøya i søraust av Lancastersundet og Kitlineq i sørvest av Melvillesundet. Øyane dekker ei total landvidd på 418 961 km². Dei fleste øyane i øygruppa høyrer til Nunavut-territoriet, dei vestlegaste til Nordvestterritoria (fleire av øyane er delt mellom dei to territoria).
| Dronning Elizabeth-øyane | |||
| øygruppe | |||
.jpg) | |||
| Land |  Canada
| ||
|---|---|---|---|
 Elisabetøyane 80°N 93°W / 80°N 93°W | |||
| Wikimedia Commons: Queen Elizabeth Islands | |||
_Islands,_northern_Canada.png)
██ Nunavut██ Nordvestterritoria██ Quebec██ Grønland
Øygruppa består av mange store øyar, med Ellesmereøya som den største. Andre store øyar er Devonøya, Melvilleøya, Axel Heibergs land, Bathurstøya, Ellef Ringnes' øy, Amund Ringnes' øy og Patrickøya.
Klimaet er arktisk, vegetasjonen er tundra, på fleire av øyane ligg store isbrear. Dei fleste øyane er utan fast busetnad, største landsbyen er Resolute på Cornwallisøya med vel 200 innbyggarar. Hovudnæring er oljeleiting og –boring.
Europearar vitja øyane fyrste gongen i 1616. Kartlegginga av øygruppa var ikkje fullført før tidleg på 1900-talet.
Øygruppa er oppkalla etter den britiske dronninga Elizabeth II. Ho vart krona til dronning av Canada i 1953. Før den tid kalla ein øygruppa for Parryarkipelet.
Kjelder
endre- Denne artikkelen bygger på «Queen Elizabeth Islands» frå Wikipedia på engelsk, den 22. juli 2009.