Eidepollen er ein fjordarm av Vågsfjorden i Senja kommune i Troms. Fjorden ligg på nordsida av Stonglandet og Senja og strekkjer seg 6 km nordaustover til Stonglandeidet i botn av fjorden.

Fjorden har innløp mellom fyra Dragøyskjær i nord og Halsvær i sør. Grendene Dragøya og Frovåg ligg på nordsida ved innløpet til fjorden, medan Hals ligg på sørsida. Innover i fjorden er det berre spreidde bustader før botn av fjorden. Ved eidet i botn av fjorden og som fjorden òg har fått namn etter, er det berre om lag 350 meter over til Tranøyfjorden på andre sida.