Eimear Quinn
Eimear Quinn (irsk Eimear Ní Chuinn, fødd 18. desember 1972) er ein irsk songar som vann Eurovision Song Contest for Irland i 1996 med songen «The Voice». Dette var den sjuande sigeren til Irland i Eurovision Song Contest.
| Eimear Quinn | |||
 | |||
| Fødd | 18. desember 1972 (51 år) | ||
|---|---|---|---|
| Fødestad | Dublin | ||
| Opphav | Irland | ||
| Aktiv | 1992– | ||
| Sjanger | pop | ||
| Instrument | vokal | ||
| Stemmetype | sopran | ||
| Plateselskap | Decca Records | ||
| Verka som | songar | ||
| Gift med | Noel Curran | ||
I 1995 vart Quinn med i den irske korgruppa Anúna, som turnerte internasjonalt og spelte inn to album: Omnis og Deep Dead Blue.[1] I desember 1995 vart Quinn oppdaga av låtskrivaren Brendan Graham medan ho opptredde saman med koret. Han spurde ho om ho ville delta i Eurovision Song Contest med songen hans «The Voice». Quinn takka ja til tilbodet og vann seinare den internasjonale finalen i Oslo 18. mai 1996. Medan poenga tikka inn under avrøystinga, framførte ho delar av «Norwegian Wood» av The Beatles på sparket saman med programleiar Morten Harket.[2]
Quinn deltok òg under jubileumshowet Congratulations: 50 Years of the Eurovision Song Contest i København i 2005.[3]
Quinn vart uteksaminert frå NUI Maynooth i Irland før ho vart profesjonell songar. I 2001 gav ho ut ei plate på Decca Classics som heitte Through the Lens of a Tear, og i 2006 gav ho ut samlealbumet Gatherings. I 2007 gav ho ut julealbumet O Holy Night[4].
I 2006 las Quinn opp dei irske poenga under Eurovision Song Contest.[3]
Kjelder
endre- ↑ «Eimear Quinn | Biography & History | AllMusic». Henta 11. juni 2017.
- ↑ setheurovision94 (19. april 2008). «Eurovision 1996 - "Norwegian Wood"». Henta 11. juni 2017.
- ↑ 3,0 3,1 «Eimear Quinn». Henta 11. juni 2017.
- ↑ «Eimear Quinn» (på engelsk). Henta 11. juni 2017.
- Denne artikkelen bygger på «Eimear Quinn» frå Wikipedia på bokmål, den 20. november 2021.