Eivind Reiersen
Eivind Reiersen (11. juni 1877–16. september 1947) var ein norsk arbeidar, redaktør og politikar, aktiv i Arbeidarpartiet og i Norges Kommunistiske Parti. Han var fødd i Nes sokn i Telemark.
| Eivind Reiersen | |||
 | |||
| Fødd | 11. juni 1877 Sauherad | ||
|---|---|---|---|
| Død | 16. september 1947 (70 år) | ||
| Statsborgar av | Noreg | ||
| Parti | Arbeidarpartiet, Norges Kommunistiske Parti | ||
| Yrke | politikar, redaktør, fagforeiningsleiar, biograf | ||
| Medlem | Mot Dag | ||
| Alle verv |
| ||
Reiersen arbeidde på fabrikk i Solum herad i Telemark. Han melde seg då inn i Arbeiderpartiet i 1899, og fekk med åra fleire tillitsverv i partiet. Frå 1908 til 1913 var han formann i Bratsberg Arbeidarparti, 1914-15 i Bodø Arbeidarparti. Landsstyremedlem i partiet frå 1915 til -20.
Perioden 1916-19 var Reiersen redaktør i avisa Ny Dag, deretter redigerte han Bratsberg-Demokraten fram til 1921. Hausten 1921 vart han vald til stortingsmann for Arbeidarpartiet frå kjøpstadene i Telemark og Aust-Agder. På Stortinget var han medlem i Finans- og tollkomiteen. Då partiet i november 1923 delte seg i to fylgde han Norges Kommunistiske Parti. Dei fyrste to åra var han formann i Telemark distrikt av NKP. Både i 1924 og 1927 var han NKP sin fyrstekandidat ved vala for kjøpstadene i Telemark og Aust-Agder. Varaordførar 1925-26 i Skien.
Reiersen var i 1924 atter redaktør av Ny Dag, frå 1925 til 1929 redigerte han NKP-organet Telemark Kommunistblad (tidlegare Bratberg-Demokraten). Dessutan var han forretningsførar i NKP-avisa Ny Tid til han i 1930 vart ekskludert frå partiet. Sidan melde han seg inn i Arbeidarpartiet.
I januar 1945 vart Reiersen arrestert og sat fengsla på Grini til frigjeringa i mai.
Kjelder endre
- Denne artikkelen bygger på «Eivind Reiersen» frå Wikipedia på engelsk, den 17. mars 2022.