Eivor Vindenes

Eivor Vindenes (fødd 16. februar 1971) er ein norsk forfattar, redaktør og musikkprodusent.

Eivor Vindenes
Statsborgarskap	Noreg
Fødd	16. februar 1971 (53 år)
Yrke	skribent

Vindenes var tidlegare teikneserieredaktør i Jippi Forlag der ho i tillegg skreiv fleire historier til teikneseriebladet Forresten. Ho jobba og med seriar for Schibsted forlaga i ti år. Vindenes debuterte som forfattar med barneboka Alt kan reparerast som vart gitt ut på Samlaget i 2009. Året etter mottok ho Guro Sandsdalens litteraturpris for denne boka. I 2010 kom Den hemmelege vegen til månen. Eivor Vindens var tidlegare og vokalist i rockebandet The Ethnobabes frå Kongsvinger.

Ho arbeider i dag frilans innan fagfeltet litteratur. Ho er dessuten med i musikkollektivet bak plateselskapet Perfect Pop Records. Ho gjekk på Norsk Barnebokinstitutts forfattarstudium 2007-2009.

Eivor Vindenes voks opp på Skarnes i Hedmark, men familien kjem frå Vinnes i Hordaland. Ho bur no i Oslo.

Kjelder

• Denne artikkelen bygger på «Eivor Vindenes» frå Wikipedia på bokmål, den 10. november 2012.

Referansar

Bakgrunnsstoff

• Intervju frå 2009 blant anna om Alt kan reparerast Arkivert 2012-05-26 ved Wayback Machine.
• Diskografi som vokalist i The Ethnobabes